Dhjetëra të rinj nga disa prej shkollave të mesme në Tiranë u bënë pjesë e fushatës sensibilizuese “Unë Zgjedh të Jetoj Pa Dhunë” në Ditën Botërore Kundër Dhunës ndaj Grave.
Në Ditën Ndërkombëtare të Eleminimit të Dhunës ndaj Grave, 25 nëntor, të rinjtë e shkollës së baletit në Tiranë performuan një kërcim sensibilizues për të treguar anën e errët të dhunimit në familje dhe për të nxitur barazinë gjinore.
Dhuna ndaj grave mbetet një problem shqetësues për shoqërinë shqiptare. Rreth 60 për qind e grave kanë pranuar se kanë përjetuar të paktën një herë gjatë jetës dhunë në familje, sipas të dhënave të Institutit të Statistikave.
Fotot janë shkrepur në çeljen e fushatës sensibilizuese “Unë Zgjedh të Jetoj Pa Dhunë”, organizuar nga Together for Life.