Policia ka kërkuar në 25 vendndodhje në Rumani në ndjekje të provave që të çonin në një rrjet ndërkombëtar të trafikimit të emigrantëve.
Policia rumune ka kryer bastisje të vendeve ku dyshohen se trafikohen njerëzit kudo në vend, duke përfshirë disa pika në Bukuresht dhe në qytetin perëndimor Arad.
Kërkimi shënjestroi shtëpi të disa të dyshuarve që në gusht-dhjetor 2016 trafikuan mbi 100 refugjatë dhe migrantë nga Turqia në disa vende të Ballkanin për në Rumani dhe pastaj Gjermani, thanë autoritetet rumune.
Shumica e personave të trafikuar ishin nga Iraku, Siria, Turqia, Afganistani dhe Maroku.
Policia tha se ka zbuluar pesë përpjekje për trafikim të migrantëve gjatë hetimeve. Në një rast tjetër, ata gjetën 42 persona, 18 prej të cilëve ishin vajza minorene të mbyllura në një kamion cisternë.
Prokurorët thanë se kishin lëshuar 20 mandat-arreste pas kërkimeve.
Autoritetet turke më 15 janar thanë se kishin zbuluar një rrjet të trafikimit të migrantëve dhe refugjatëve me lidhje nga Bullgaria dhe Rumania.
Sipas policisë turke, rrjeti përdori dy metoda për të trafikuar njerëz në Bashkimin Europian.
Një u përdor për të çuar afganët, sirianët dhe pakistanezët në Bullgari përmes zonave pyjore të Igneada dhe Derekoy nga Turqia verilindore në kufirin me Bullgarinë.
Pas kalimit të shtegut me një udhëzues, emigrantët dorëzoheshin te anëtarë të bandës në Bullgari.
Një tjetër teknikë ishte ofrimi i vizave Shengen për migrantët në Turqi që të arrinin në Rumani dhe Bullgari përpara se të vazhdonin rrugën për në vende të BE-së.