Rreth 300.000 persona dolën të mërkurën në mbrëmje në rrugët e Rumanisë, në atë që ishte protesta më e madhe që prej vitit 1989.
Në demonstratat më të mëdha që nga rënia e komunizmit në vitin 1989, rreth 300,000 shtetas në Rumani dolën në rrugët e 50 qyteteve, 150,000 prej të cilëve në Bukuresht. “The Guardian” raportoi se në protestë pati thirrje “Hajdutë!” dhe kërkesa që politikanët të burgosen.
Në Bukuresht pati përplasje të vogla mes policisë dhe protestuesve, pesë prej të cilëve u lënduan. Qeveria rumune miratoi të martën një dekret emergjent për të dekriminalizuar shkeljet e zyrtarëve gjatë ushtrimit të detyrës. Ministri i Drejtësisë Florin Iordache tha se masat do të dekriminalizonin abuzimin me detyrën poshtë vlerës 47,800 euro.
Qindra mijëra rumunë kanë protestuar ditët e fundit duke thënë se kjo do të dobësonte përpjekjet anti-korrupsion të vendit.
