Një protestë masive anti-rome në Bullgari përfundoi të dielën me arrestimin e tre huliganëve, përfshirë famëkeqin gjuetar të migrantëve, Petar Nizamov.
Mijëra bullgarë nga pjesë të ndryshme të vendit, përfshirë rrokerë dhe huliganë futbolli, u bashkuan të dielën në mbrëmje në një tubim masiv anti-rom në Asenovgrad.
Tubimi erdhi pas një lufte mes grupeve të hënën e kaluar midis vendasve me origjinë rome dhe të rinjve të ekipit vendas të kajakëve. Nëntë romë të dyshuar se kanë sulmuar ekipin sportiv po presin gjyqin nga qelia.
Protesta e së dielës, e pesta radhazi, u përshkallëzua pasi protestuesit fanatikë u përpoqën të prishnin bllokadën e policisë që ruante lagjen rome nga turma e zemëruar.
Megjithatë, qindra policët që mbikëqyrnin tubimin, i penguan përplasjet serioze.
Tre persona janë arrestuar të për huliganizëm, tha të hënën zëdhënësi rajonal i policisë Atanas Ilkov.
Njëri prej tyre është Petar Nizamov “Perata”, i cili mori famë të keqe ndërkombëtarisht pasi u shfaq në një video të “një arrestimi qytetar” të tre migrantëve afganë prillin e kaluar.
Nizamov u arrestua të hënën në qytetin Burgas, pasi sulmoi një kameraman nga televizioni BTV, gjatë përleshjeve me policinë në rrugët e Asenovgradit pranë lagjes së komunitetit rom.
Gazetari, Petar Dzhanavarov, dyshohet se është goditur, pështyrë dhe kërcënuar nga Nizamov.
Nizamov ka tashmë tre dënime gjykate, asnjë prej të cilave nuk ka çuar në burgosjen e tij.
Pas “arrestimit qytetar” të paligjshëm të tre afganëve në 2016 ai përballej me gjashtë vite burg për kufizim ilegal të lirisë.
Megjithatë, një gjykatë në Burga e liroi atë nga të gjitha akuzat në 2017 për shkak të mungesës së provave ndaj tij.
Ndër kërkesat kryesore të protestuesve në Asenovgrad janë rritja e pranisë së policisë për të garantuar rendin publik në qytet, integrimin më të mirë të komunitetit rom dhe shembjen e shtëpive të ndërtuara ilegalisht në lagjen rome.
Tensionet midis romëve dhe bullgarëve etnikë kanë shpërthyer disa herë në Bullgari në vitet e fundit, zakonisht në lidhje me krimin.
Përleshjet më të këqija u zhvilluan në vitin 2011, kur pati protesta anti-rome në të gjithë vendin pas vdekjes së dy të rinjve bullgarë.
Në vitin 2015, protestuesit rrethuan lagjet e romëve në fshatin jugor të Garmenit, si dhe në lagjen Sofa’s Orlandovtsi, por policia pengoi dhunën.
