“Numri i votuesve është 5.9834. Fletë votimi të dëmtuara gjatë procesit janë 61 copë, të pavlefshme janë 766, të vlefshme janë 59067 te vlefshme. Për kandidatin Lulzim Basha janë 53931 dhe për kandidatin Eduart Selami janë 5136. Komisioni shpall fitues zotin Lulzim Basha”, than ë një konferencë për shtyp Jemin Gjana, kryetari i Komisionit Qendror Elektoral në PD.
Si përqindje të totalit Basha ka marrë 91.3 % të votave, kundrejt 8.7 % të rivalit Selami.
Zgjedhjet për kreun e PD-së ndjekin rezultatin e dobët të partisë më të madhe të së djathtës shqiptare në zgjedhjet parlamentare të 25 qershorit – të cilat u fituan nga Partia Socialiste e kryeministrit Edi Rama.
Që prej momentit kur u bë e qartë se Partia Demokratike kishte humbur më shumë se 200 mijë vota në zgjedhjet e fundit, Basha u etiketua si përgjegjësi kryesor dhe një numër i madh drejtuesish partiakë i kërkuan atij dorëheqjen.
Basha u shfajësua me akuzën se rezultati ishte diktuar nga shit-blerja e votës, ndërsa deklaroi se do të kandidonte për një mandat të dytë duke “ngrirë” funksionet e tij në krye të partisë.
Definitivisht PD do ndahet.Mbase nuk do ndodhë qameti.
E pasni votu Enver Hoxhën.E shkatrroi partin dhe prap e zgjedhin.Kujtojn që jon në kohën e Enverit e patjetër duhet me votu Enver Sali Salën.