Një stuhi e fortë goditi Rumaninë perëndimore të dielën, duke lënë tetë viktima dhe disa të tjerë të plagosur.
Tetë persona humbën jetën dhe të paktën 67 të tjerë u plagosën të dielën në mbrëmje kur një stuhi e fortë goditi Rumaninë perëndimore, me erëra që arritën deri në 100 kilometra në orë.
Stuhia rrëzoi pemë dhe prishi linjat e energjisë elektrike. Shumë shtëpi janë pa elektricitet në Timis dhe fshatrat në kufi me Serbinë.
Disa persona u plagosën kur stuhia goditi Serbinë të dielën pasdite.
Zyrtarët rumunë paralajmëruan banorët të qëndrojnë në shtëpi ose të shkojnë në strehëza. Stuhia e të dielës pasoi ditë me temperatura të larta.
