Muzikantët shqiptarë i kënduan të martën natyrës së Shqipërisë, ndërsa ngritën zërin kundër ndërtimit të hidrocentraleve në lumin Vjosë dhe parkun kombëtar të Valbonës dhe i bënë thirrje qeverisë ta ruajë mjedisin.
Një grup muzikantësh shqiptarë i kënduan të mërkurën bukurive të Shqipërisë ndërsa i bënë thirrje qeverisë të mos i shkatërrojë lumenjtë e vendit përmes planeve jo të qëndrueshme të energjisë, siç janë hidrocentralet.
Këngëtarë dhe instrumentistë nga Shqipëria dhe Kosova, mbajtën për të dytin vit radhazi një koncert proteste, ku i dhanë gjithashtu shpresë qytetarëve se të bashkuar mund të luftojnë për mbrojtjen e peizazheve të mrekullueshme shqiptare si Vjosa dhe Valbona.
Nën sloganin Mos Ma Prek Vjosën, Elina Duni, Eda Zari, Gent Rushi, Rob Luft, Vlashent Sata, Marsela Çibukaj, Linda Rukaj, Charles Lamouroux, Ermal Rodi, Florian Garcin, Emiljan Dhimo, Grupi Polifonik Lunxhëria, Grupi i Bënçës, Blerat & Besfort Këpuska dhe Dj. ODA performuan për mbi dy orë në Sheshin Skënderbej.