Ndërsa autoritetet e Moldavisë kanë dhënë shumë pak informacione për aksidentit e ditës së dielë në të cilin u përfshi presidenti Igor Dodon, disa nga kolegët e tij socialistë këmbëngulin se dikush u përpoq ta vriste atë.
Pasi presidenti i Moldavisë, Igor Dodon, u përfshi në një aksident me makinë të dielën, disa deputetë socialistë pro-rusë kanë pohuar se ai ishte viktimë e një tentative për vrasje.
“Ky nuk ishte një aksident, por një përplasje e drejtpërdrejtë me makinën. Kjo është një tentativë për vrasje!” shkroi në Facebook deputeti socialist Vlad Batrincea.
Ai më vonë shtoi një listë arsyesh pse disa njerëz mund të dëshironin të lëndonin Dodonin, duke filluar me synimin e deklaruar të Dodonit për të dalë si kandidat socialist në zgjedhjet e ardhshme parlamentare.
Presidenti shihet si “një rrezik për qeverinë pro-BE dhe partitë e krahut të djathtë, dhe për kuratorët e tyre euro-atlantikë”, tha Batrincea.
Ai u shpreh se një takim i kohëve të fundit midis Dodonit dhe liderit të Transnistrisë Vadim Krasnoselski kishte qenë “jofitimprurës për Rumaninë dhe SHBA-në, sepse nuk përputhet me algoritmin e interesave të tyre”.
Socialistët akuzojnë rregullisht Rumaninë dhe SHBA-në se po përpiqet ta detyrojnë Moldavinë të hyjë në kampin e tyre dhe të largohet nga Moska.
Kandidati i mposhtur socialist për garën kryebashkiake për Kishinaun në qershor, Ion Ceban, tha se kishte pasur një aksident të ngjashëm me makinë tre ditë më parë, duke nënkuptuar se të dy incidentet ishin disi të lidhur me njëri-tjetrin.
“Është e çuditshme që tre ditë pas aksidentit tim me makinë, makina e presidentit u përfshi gjithashtu në një aksident me makinë. Ne nuk kompetentë teorish konspiracioni, por e kuptojmë se duhet të jemi më të kujdesshëm që tani e në vazhdim,” tha Ceban.
Vetë presidenti Dodon ka zbuluar pak detaje rreth aksidentit përveç një mesazhi të shkurtër se është mirë.
“Gjithçka është në rregull, pa trauma serioze, as për mua as për anëtarët e familjes time,” tha Dodon.
Por Ceban këmbënguli se aksidenti nuk ishte i vogël.
“Presidenti nuk dha detaje të pasojave të aksidentit sepse ai nuk donte të përqendrohej në gjendjen e tij. Por unë kam zbuluar se janë regjistruar disa lëndime; ai në shtyllën kurrizore, fëmija i tij dhe nëna e tij, e cila i është nënshtruar një ndërhyrje kirurgjikale,” tha Ceban.
Makina presidenciale u godit të dielën në mëngjes nga një kamion, i cili rrëshqiti në një rrugë të lagur. Policia hapi një hetim për incidentin, por së shpejti e etiketoi atë si një aksident.
