Vendet e Europës Perëndimore mund të zgjedhin më shumë deputetë anti-BE në Parlamentin Europian në maj, por sondazhet sugjerojnë se votuesit bullgarë, rumunë dhe kroatë do t’i qëndrojnë besnikë partive të tyre tradicionale të qendrës së majtë dhe të qendrës së djathtë.
Zgjedhësit në Ballkan do të zgjedhin kryesisht eurodeputetët nga Partia Popullore Europiane e qendrës së djathtë, PPE, dhe Aleanca Progresive e Socialistëve dhe Demokratëve e qendrës së majtë, S&D, në zgjedhjet në mbarë Europën në maj, pavarësisht faktit se partitë anti-BE po fitojnë në të gjithë kontinentin, sugjeroi një sondazh i Parlamentit Europian i publikuar të hënën.
Raporti propozon një rënie të përgjithshme pan-europiane në mbështetje për PPE-në qendrore, S&D dhe grupin Konservator dhe Reformist Europian në një parlament më të vogël post-Brexit, i cili do të ketë 46 vende më pak pas largimit të parashikuar të Britanisë nga blloku.
Në të njëjtën kohë, sipas sondazhit, grupi Europa e Kombeve dhe e Lirisë, i përbërë nga parti të ndryshme të krahut të djathtë anti-BE, është parashikuar të jetë fituesi më i madh, duke fituar 59 vende në legjislaturën prej 705 vendesh – nga 37 që ka aktualisht.
Por ky trend nuk pritet të ndiqet në tre shtete ballkanike në BE – Bullgari, Kroaci dhe Rumani. Në të tre këto vende, partitë qendrore pritet të ruajnë dominimin e tyre, sugjeron raporti.
Në Bullgari ekzistojnë pritshmëri për një zhvendosje të lehtë majtas, me Partinë Socialiste Bullgare, BSP, që parashikohet të fitojë dy vende më shumë nga katër që ka aktualisht, ndërsa partia qeverisëse GERB mund të fitojë një dhe të shkojë në deri në tetë vende. Kjo mund të shohë dy eurodeputetë nacionalistë, Angel Dzhambazki dhe Nikolai Barekvo, të cilët aktualisht janë pjesë e grupit Konservator dhe Reformator Europian.
Lëvizja për të Drejtat dhe Liritë, MRF, pjesë e aleancës liberale ALDE të Bullgarisë, parashikohet të humbasë dy vende, ndërsa koalicioni qendror jo-parlamentar i opozitës Bullgaria Demokratike mund të sigurojë një eurodeputet, i cili fillimisht nuk do të jetë i lidhur me ndonjë grupim politik pan-europiane.
Në Kroaci, partia populiste antiestablishment Zivi Zid (Muri i gjallë) mund të fitojë dy vende, ndërsa grupimi i pavarur MOST mund të fitojë një.
Por partitë kroate të qendrës së djathtë dhe të qendrës së majtë kanë gjasa të ruajnë dominimin e tyre me nëntë nga 12 vende. Bashkimi Demokratik Kroat dhe Partia Social Demokrate priten të rrisin numrin e tyre të vendeve në Parlamentin Eropian, përkatësisht me gjashtë dhe tre, sipas sondazhit.
Rumania është vendi ballkanik që pritet të shohë ndryshimin më të rëndësishëm nga e majta në të djathtë, por shumica e eurodeputetëve të saj ka gjasa të mbeten centristë, sipas sondazhit.
Partia qeverisëse PSD e Rumanisë, e cila është pjesë e S&D, mund të humbasë gjashtë nga 17 vendet e saj, të cilat mund të shpërndahen midis partive të qendrës së djathtë dhe atyre liberale, përfshirë Pro Rumaninë, Partinë Liberale, Bashkimin për Shpëtimin e Rumanisë dhe Partinë Rumune ALDE.
