Si ka ndryshuar pasuria e deklaruar e kryetarit të bashkisë Tropojë, Besnik Dushaj nga viti 2003 deri në fund të vitit 2017, kohë kur ai ka qenë subjekt i deklarimit periodik pranë Inspektoriatit të Lartë të Deklarimit dhe Kontrollit të Pasurisë dhe Konfliktit të Interesit.Besnik Dushaj u zgjodh kryetar i bashkisë Tropojë në zgjedhjet e qershorit 2015-të, si përfaqësues i Partisë Demokratike i mbështetur nga Aleanca Popullore për Punë dhe Dinjitet.
I diplomuar si jurist, Dushaj e ka filluar karrierën e tij në administratën e bashkisë së Bajram Currit dhe në vitin 1996 ka kandiduar dhe është zgjedhur kryetar i ish-komunës Fierzë. Këtë post Dushaj e ka mbajtur deri në vitin 2009, kur është zgjedhur deputet në Kuvendin e Shqipërisë si përfaqësues i Partisë Demokratike. Zoti Dushaj e ka rifituar mandatin e deputetit për Qarkun Kukës edhe në vitin 2013.
I mbështetur nga Aleanca Popullore për Punë dhe Dinjitet, Dushaj u zgjodh në krye të bashkisë së Tropojës me 51.95 % të votave.
Ky raport është prodhuar nga BIRN pas administrimit të deklaratave të pasurisë nga Inspektoriati i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Skeda grafike e mëposhtme paraqet pasurinë familjare të deklaruar nga kryebashkiaku i Tropojës nga viti 2003 deri në vitin 2017. [kliko këtu për skedën në pdf]
Ky raport ka për qëllim bërjen e transparencës mbi pasurinë e të kryetarit të bashkisë së Tropojës në prag të zgjedhjeve vendore të 30 qershorit.
Para fillimit të detyrës në vitin 2003, z. Dushaj ka pasur një pasuri të deklaruar familjare prej 6.5 milionë lekësh, ndërkohë në fund të vitit 2017 ai deklaron një pasuri prej 23.5 milionë lekësh, duke regjistruar një rritje pasurie 3.6 herë ose të barabartë me 1.2 milionë lekë të shtuara çdo vit.
Pasuria e deklaruar e subjektit përbëhet nga 1.7 milionë lekë likuiditete bankare, 4.1 milionë lekë likuiditet cash, 4.1 milionë lekë pasuri të luajtshme dhe 13.5 milionë lekë pasuri të paluajtshme.
Pasuria e paluajtshme e subjektit përbëhet nga një shtëpi banimi e trashëguar, tokë arë me sipërfaqe 12,500 m2, një shtëpi banimi 2 katëshe me sipërfaqe 200 m2 në lagjen “Qyteti Studenti’ në Tiranë, me vlerë 3.5 milionë lekë, një sipërfaqe toke në Kamëz prej 500 m2 dhe vlerë 1 milion lekë si dhe 2 apartamente në Tiranë me vlerë respektive 3.1 milionë lekë dhe 2.9 milionë lekë.
Pasuria e luajtshme e kryebashkiakut përbëhet nga një automjet “Benz Mercedez”, një automjet “Audi” në emër të vajzës dhe një automjet tjetër “Benz” që fillimisht është regjistruar në emër të djalit të tij.
Gjatë periudhës deklaruese, subjekti ka pasur të ardhura në vlerë 36.7 milionë, nga të cilat 66.3 % vijnë nga paga dhe shpërblimet për shkak të funksionit dhe 18 % nga paga e bashkëshortes.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Për subjektin iu nënshtruan kontrollit aritmetik-logjik 13 deklarata, por asnjë nga këto deklarata nuk rezultoi me probleme.
Megjithatë, skanimi cilësor i deklaratave të kryetarit të bashkisë Tropojë zbuloi kursime tw konsiderueshme tw mbajtura jashtw sistemit bankar, tw cilat sipas standardeve ndwrkombwtare cilwsohen si “flamur i kuq”.
Subjekti ka deklaruar në total kursime cash të akumuluara ndër vite për periudhën 2004-2017 në shumën 4,1 milionë lekë, ndërkohë që sipas nenit 4/1 të ligjit Nr.9049, datë 10.4.2003, “Për deklarimin dhe kontrollin e pasurive, të detyrimeve financiare të të zgjedhurve dhe të disa nëpunësve publikë” i ndryshuar, kufiri i lejuar për t’u mbajtur Cash është 1,500,000 lekë.
Duke qenë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo është e ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik.
Deklarata e pasurisë për vitin 2003
Deklarata e pasurisë për vitin 2004
Deklarata e pasurisë për vitin 2005
Deklarata e pasurisë për vitin 2006
Deklarata e pasurisë për vitin 2007
Deklarata e pasurisë për vitin 2008
Deklarata e pasurisë për vitin 2009
Deklarata e pasurisë për vitin 2010
Deklarata e pasurisë për vitin 2011
Deklarata e pasurisë për vitin 2012
Deklarata e pasurisë për vitin 2013
Deklarata e pasurisë për vitin 2014
Deklarata e pasurisë për vitin 2015
Deklarata e pasurisë për vitin 2016
Deklarata e pasurisë për vitin 2017
Për më shumë dokumente vizitoni databazën tonë dokumente.reporter.al