Pasuria e kryetares së bashkisë së Gramshit, Luljeta Dollani regjistroi luhatje të vogla gjatë viteve në krye të qytezës në jug të vendit.
Luljeta Dollani u zgjodh në krye të bashkisë së Gramshit në vitin 2015-të si përfaqësuese e Partisë Socialiste me 59.38 % të votave.
Dollani ka studiuar në Universitetin e Tiranës për filozofi dhe i ka përfunduar studimet në vitin 1984. Nga vitet 1984 deri në vitin 1998, ajo ka punuar si mësuese ne shkollën e mesme te përgjithshme “Shefqet Guzi” në Gramsh. Në vitin 1998 ajo u zgjodha kryetare e Partisë Socialiste te rrethit Gramsh, një detyrë të cilën e ka mbajtur deri në vitin 2000. Ne vitin 2000 u zgjodha kryetare e bashkisë Gramsh, detyrë të cilën e ka mbajtur deri në përfundim të mandatit në vitin 2003. Në vitet 2003-2006, Dollani ka punuar si specialiste pranë Zyrës Arsimore Gramsh dhe në vitet 2006-2013 është rikthyer si mësuese në gjimnazin “Shefqet Gjuzi’. Ndërkohë nga viti 2013 deri në vitin 2015, ka drejtuar përsëri Zyrën Arsimore Gramsh.
Ky raport është prodhuar nga BIRN pas administrimit të deklaratave të pasurisë nga Inspektoriati i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasuritë e kryetarëve aktualë të bashkive të vendit në fund të mandatit të tyre 4-vjeçar.
Skeda grafike e mëposhtme paraqet pasurinë e deklaruar nga kryetarja e bashkisë Gramash nga viti 2015 deri në fund të vitit 2017. [Kliko për skedën në PDF]
Para fillimit të deytrës në vitin 2015-të, kryetarja e bashkisë së Gramshit Luljeta Dollani ka pasur një pasuri të deklaruar prej 9.9 milionë lekë. Në fund të vitit 2017, pasuria e saj familjare kap një vlerë prej 10 milionë lekë, Kjo pasuri përbëhet nga 3.3 milionë lekë likuiditete në bankë dhe 6.7 milionë lekë pasuri të paluajtshme.
Dollani ka regjistruar 7.6 milionë lekë të ardhura familjare gjatë viteve që ka qenë subjekt deklarimi, nga të cilat 98 % vijnë nga paga e saj si kryebashkiake dhe paga e bashkëshortit.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. BIRN kreu kontrollin aritmetik/logjik për 3 vite të deklarimit, të cilat rezultuan pa probleme.
Megjithatë, nga kontrolli cilësor i deklaratave rezultoi se subjekti Luljeta Dollani në vitin 2017 ka deklaruar të ardhura nga depozita personale në fondin e investimeve në Raiffeisen Bank, në shumën 128,024 lekë, ndërkohë që nga deklarimet e mëparshme nuk rezulton të jetë deklaruar depozitë në fondin e investimeve nga ana e subjektit dhe/apo familjarëve të saj.
Deklarata Para Fillimit të Detyrës
Deklarata e pasurisë së vitit 2015
Deklarata e pasurisë së vitit 2016
Deklarata e pasurisë së vitit 2017
Për më shumë dokumente vizitoni databazën tonë dokumente.reporter.al
