Presidenti shqiptar Ilir Meta bëri thirrje për bisedime mbi krizën politike në një përpjekje të fundit për të shmangur zgjedhjet e njëanshme të 30 qershorit, por kryeministri Edi Rama deklaroi ai nuk kishte kohë sepse ishte “i zënë me fushatën”.
Një përpjekje e fundit e presidentit Ilir Meta për të thirrur për bisedime kryetarët e partive mbi krizën politike të shkaktuar nga refuzimi i opozitës për të marrë pjesë në zgjedhjet vendore duket se dështoi të enjten pasi kryeministri Edi Rama refuzoi.
Meta, i cili u zgjodh president me mbështetjen e Ramës më 2017, është aktualisht nën procedurë formale hetimore nga parlamenti i kontrolluar nga Rama për shkak të vendimit të tij kontrovers për të “anuluar” zgjedhjet vendore.
Të mërkurën, Meta formalisht ftoi krerët e partive për bisedime mbi krizën duke shpallur se ai do ta priste kryeministrin “nga ora 5 deri në orën 13”. Rama refuzoi menjëherë duke thënë se ishte i zënë me fushatën.
Shqiptarët janë ftuar këtë të dielë të votojnë për kryetarë dhe këshilltarë bashkiakë, por opozita kryetare i ka bojkotuar zgjedhjet duke akuzuar qeverinë se është angazhuar në një aleancë me grupimet kriminale në vend për të kontrolluar zgjedhjet. Në 31 nga 61 bashkitë në të gjithë vendin ka vetëm një kandidat socialist që garon me askënd ndërsa në pjesën tjetër kandidatët socialistë konkurrojnë me të pavarur apo me kandidatë partish të vogla politike.
Frika për dhunë është rritur për shkak se qeveria pretendon se zgjedhjet duhet të vijojnë ndërsa opozita mendon se ato janë anuluar nga Meta.
Policia njoftoi se ka referuar dy kryebashkiakë për hetim penal për “krime elektorale” duke argumentuar se ata i kanë bërë këto krime gjatë deklaratave televizive.
Mbështetësit e opozitës kanë nisur një fushatë të quajtur #edheune duke ofruar veten vullnetarisht që të burgosen pasi mendojnë se zgjedhjet e 30 qershorit do të jenë një kthim pas në të shkuarën diktatoriale të Shqipërisë.
Mbështetësit e qeverisë kanë nisur një fushatë të tyren të quajtur #UneVotoj, duke shpresuar se një pjesëmarrje e lartë në zgjedhje mund të ndihmojë në legjitimimin e tyre.