Këshilli i Emërimeve në Drejtësi, KED, vendosi të lejojë kandidimin dhe vijoi me procedurat për intervistimin, verifikim dhe pikëzim të 5 kandidatëve, ndërsa u miratuan edhe përjashtimet nga gara.
Këshilli i Emërimeve në Drejtësi, KED, vendosi të hënën të lejojë kandidimin dhe vijoi me procedurat për verifikim dhe pikëzim të 5 kandidatëve për vendin e Inspektorit të Lartë të Drejtësisë, ndërsa u miratuan edhe përjashtimet nga gara të disa prej kandidaturave. “Në mbledhjen e radhës së KED, ky këshill do të vijojë me intervistimin e kandidatëve të lejuar për kandidim, e më pas me procedurat e verifikimit, vlerësimit dhe pikëzimit të tyre, si më poshtë: Artur Metani, Eris Hysi, Joana Asimi Qorraj, Lindita Troja, Sokol Stojani”, thuhet në njoftimin e KED.
Mbledhja e KED vendosi përjashtimin nga gara të ish-gjyqtarit të Apelit Artur Malaj, pas shkarkimit nga Kolegji i Posaçëm i Apelimit. Po ashtu vendos për tërheqjen e kandidaturave të Klodian Rados dhe Marsida Xhaferllarit. Kjo e fundit u deklretua nga presidenti Meta si anëtare e Gjykatës Kushtetuese dhe u përfshi në përplasjen mes presidencës dhe shumicës, ndërsa ka tërhequr kandidaturën për një vend në ILD.
Kandidatë për ILD
Artur Metani
Eris Hysi
Joana Asimi Qorraj
Lindita Troja
Sokol Stojani