Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Page Positions Artikull kryesor Lajme

Politika bën një vesh shurdh ndaj protestës së minatorëve

Nensi BogdaniNgaNensi Bogdani
13:58 | 27/01/2020
Në Artikull kryesor Lajme, Lajme, Vendi
Kohe leximi: 2 minuta
A A
0
Politika bën një vesh shurdh ndaj protestës së minatorëve

Anëtarë të sindikatës së minatorëve të bashkuar protestojnë poshtë banesës se Samir Manes | Foto : Nensi Bogdani

Share on FacebookShare on Twitter

Eno Bozdo ka qenë zëri i vetëm politik që reagoi të dielën për protestën e minatorëve ndaj pronarit të kompanisë Albrchrome, Samir Mane, por edhe sekretari organizativ i PD-së nuk guxoi ta përmendte njeriun më të pasur në Shqipëri.


Anëtarë të sindikatës së minatorëve të bashkuar protestojnë poshtë banesës se Samir Manes | Foto : Nensi Bogdani

Sekretari i Organizativ i Partisë Demokratike, Eno Bozdo deklaroi të dielën nëpërmjet një postimi në Facebook se qeveria aktuale nuk ka denjuar të dëgjojë apo të marrë në konsideratë kërkesat dhe problemet aktuale të minatorëve, të cilët tashmë prej muajsh vijojnë me protestat e tyre.

“Protestat  vazhdojnë prej muajsh, por Edi Rama  dhe qeveria e tij ka zgjedhur t`i injorojë minatorët plotësisht,” shkruan Bozdo, pa e përmendur kompaninë Albchrome dhe pronarin e saj Samir Mane.

“Ndjeshmëria e tij për Bulqizën, minatorët edhe dhe qytetarët e saj, është shumë e qartë kur kërkon tu emërojë me dhunë si kryetar bashkie një konsumator ordiner të kokainës,” shtoi Bozdo.

Të dielën Sindikata e Minatorëve të Bashkuar të Bulqizës dhe aktivistë të shoqërisë civile organizuan një tubim në Tiranë, duke e akuzuar kompaninë Albchrome për shkarkime të padrejta nga puna të anëtarëve të sindikatës.

Protesta e së dielës ndjek tubime të ngjashme në Bulqizë nga sindikalistët dhe aksione propagandistike në Tiranë nga aktivistët e Organizatës Politike kundër Samir Manes dhe kompanisë Albchrome.

Nëpërmjet një njoftimi me shkrim të dielën, grupi Balfin – kompania mëmë e Albchrome, i tha BIRN se anëtarët e SMBB-së duhet të ndiqnin hapat ligjorë për të hyrë në negociata me kompaninë.

“Çdo sindikatë e re që krijohet duhet të ndjekë hapat ligjorë për të hyrë në bisedime, me çdo kompani në Shqipëri, përfshire edhe ne, sipas dispozitave të Kodit të Punës, që rregullon veprimtarinë sindikale,” tha kompania.

“Çdo veprim sindikal, që bie ndesh me dispozitat e Kodit të Punës, pavarësisht formës dhe numrit të personave të përfshirë përbën veprimtari të paligjshme,” shtoi kompania minerare.

Minatorët dhe aktivistët protestuan të dielën përpara Kryeministrisë, Ministrisë së Financave, Inspektoriatit të Punës, dhe pranë banesës së Samir Manes, duke e akuzuar këtë të fundit se në mënyrë të paligjshme po mundohet të mbysë lëvizjen sindikale.

Bozdo u shpreh se qeveria aktuale mbyll sytë ndaj këtyre padrejtësive dhe se aktualisht nëpërmjet Këshillit Kombëtar të Punës dhe Inspektoriatit të Punës kjo qeveri ka tashmë përgjegjësinë direkte të trajtojë me shumë seriozitet gjendjen e vështirë të minatorëve në Bulqizë e kudo, dhe të ofrojnë një zgjidhje të arsyeshme për kërkesat e tyre.

Sipas tij kjo qeveri tashmë prej muajsh nuk ka në interes të saj të mbështesë këtë kauzë, por aleancat e saj janë në një vijë me krimin dhe oligarkinë, dhe jo me minatorët dhe qytetarët e Bulqizës.

“Nëse Bulqiza do të kishte mundësi të zgjidhte, sot në krye të saj do të ishte një kryebashkiak që do të solidarizohej me minatorët dhe do të luftonte për kauzën e drejtë të tyre,” tha ai. “Kryeministri dhe qeveria e tij kanë braktisur prej kohësh minatorët dhe Bulqizën,” përfundoi Bozdo.

 

Tjetri
Pse e drejta e komentimit anonim online është e drejtë themelore e njeriut

Pse e drejta e komentimit anonim online është e drejtë themelore e njeriut

Më të lexuarat

“Mungesë veprimi”: Ballkani Perëndimor kërcënohet nga ndryshimet klimatike

“Mungesë veprimi”: Ballkani Perëndimor kërcënohet nga ndryshimet klimatike

17:38 | 31/01/2023
Politika bën një vesh shurdh ndaj protestës së minatorëve

Politika bën një vesh shurdh ndaj protestës së minatorëve

13:58 | 27/01/2020
Shqetësime mbi transparencën e biznesit në Ballkan të Tony dhe Cherie Blair

Shqetësime mbi transparencën e biznesit në Ballkan të Tony dhe Cherie Blair

11:10 | 30/01/2023
Gjyqtari Altin Shkurti jep shpjegime për burimet e një apartamenti

Gjyqtari Altin Shkurti jep shpjegime për burimet e një apartamenti

17:36 | 01/02/2023
Komisioneri Publik kërkon shkarkimin e prokurores Enkeleda Osmani

Komisioneri Publik kërkon shkarkimin e prokurores Enkeleda Osmani

16:19 | 03/02/2023
Prokurorja Armida Hamiti jep shpjegime për të ardhurat e prindërve nga bujqësia

Konfirmimi i prokurores Armida Hamiti ankimohet në Kolegj

17:27 | 03/02/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.