Një kroat që u kthye nga Milano rezultoi i pari i sëmurë me koronavirus në Ballkan ndërsa Bullgaria urdhëroi anulimin e fluturimeve drejt Milanos deri më 27 Mars.
Kroacia tha se një nga shtetasit e saj që ishte kthyer nga Italia rezulton i infektuar me koronavirus por këmbënguli se sistemi i saj shëndetësor është i përgatitur për t’u përballur me sfidën. Vendet e tjera të Ballkanit shtuan masat e sigurisë nëpër pikat e tyre kufitare me shpresë se do të shmangin infektimet nga sëmundja që ka prekur mbi 85 mijë njerëz në të gjithë botën.
Zyrtarët në Kroaci njoftoi se i sëmuri ishte kthyer së fundmi nga Milanoja në Itali dhe se u bë rasti i parë i shënuar në këtë vend.
“Sot më 11.50, ne morën rezultatet e testit për një kroat që po qëndronte në Milano. Ai tregon shenja mesatare të sëmundjes,” tha ministri i Shëndetësisë Vili Beros në një konferencë për shtyp.
“Kjo është një sëmundje e ngjashme me gripin dhe nuk priten komplikime më të mëdha se sa në rast gripi,” tha Beros. “Sistemi ynë shëndetësor është gati,” shtoi ai.
Ndërkohë nëntë kroatë që po punonin në një fabrikë në Itali ku 20 njerëz u infektuan, u pranuan në spital në qytetin e Rijekës gjatë natës dhe u vendosën në karantinë për shkak se frikës se mund të jenë ekspozuar ndaj virusit.
Deri pasditen e së Martës nuk ka raste të tjera të konfirmuara të koronavirusit në Ballkan por afrimësia me Italinë, ku është shënuar një numër i lartë rastesh, ka shkaktuar shqetësime.
Në Shqipëri, autoritetet njoftuan se kanë kontrolluar disa mijëra udhëtarë nga Italia ndërsa këmbëngulin se qytetarët nuk kanë arsye të kapen nga paniku.
Jashtë rajkonit, dy shtetas serbë në anijen turistike Diamond Princess, e cila është vendosur në karantinë në Jokohoma të Japonisë që nga 3 shkurti, u konfirmuan si të infektuar.
Ministria e Jashtme e Servisë tha të Martën se të dy serbët, 29 dhe 30 vjeç, ishin anëtarë të ekuipazhit të anijes.
Në anije ka edhe nëntë serbë të tjerë ndërsa tre kanë lënë anijen javën e kaluar pasi testi u doli negativ.
Ministri i Shëndetësisë së Serbisë Zlatibor Loncar tha se për mendimin e tij, është realiste të pritet që koronavirusi të shfaqet në Serbi, por këmbënguli se sistemi shëndetësor i vendit është plotësisht i përgatitur.
Kroacia dhe Serbia kanë vendosur kontrolle në pikat kufitare dhe aeroporte për pasagjerët nga Kina dhe Italia dhe kanë ndaluar ekskursionet e shkollave në Itali. Ata kanë këshilluar gjithashtu shtetasit e vet të mos udhëtojnë në zonat e prekura në Italinë e veriut. Bosnja dhe Herzegovina si dhe Mali i Zi kanë publikuar këshilla të ngjashme.
“Nëse njerëzit duhet të shkojnë patjetër në zonat e infektuara, ata janë të detyruar të raportojnë te policia kufitare për inspektim pasi të kthehen në Malin e Zi. Ata do të vendosen nën vrojtim,” deklaroi Boban Mugosa nga Instituti i Shëndetit Publik të Malit të Zi.
Në Bosnjë, udhëtarëve që kthehen nga Kina, Italia, Koreja e Jugut apo Irani u është dhënë porosi të izolojnë veten për 14 ditë dhe të “raportojnë çdi ditë te shërbimi epidemiologjik,” tha zëdhënësi i ministrisë federale të shëndetësisë.
Në Kosovë dy persona të dyshuar rezultuan negativë në test ndërsa as mes shtetasve të Kosovës që jetojnë në Itali nuk ka të dhëna për të infektuar.
As në Rumani nuk ka pasur raste të virusit. Në Moldavi, autoritetet thonë se kanë një “plan për pandemi”.
Bullgaria u bë vendi i parë që anuloi fluturimet drejt Milanos me afat deri 27 Mars.