Numri i viktimave nga COVID-19 ka arritur në 13 të martën, ndërsa Instituti i Shëndetit Publik ka evidentuar dhe 20 raste të reja në të gjithë vendin.
Numri i personave të prekur nga COVID-19 ka arritur në 243 të martën në Shqipëri, ndërsa vetëm gjatë 24 orëve të fundit 2 persona kanë humbur jetën në spitalin Infektiv në Qendrën Spitalore Universitare Nënë Tereza, duke e ccuar numrin total të viktimave në 13.
Gjatë konferencës së përditshme për median, zv/ministrja e Shëndetësisë, Mira Rakacolli nënvizoi se ka puna epidemiologëve për evidentimin e rasteve të dyshuara me infeksionin që shkakton sëmundjen e COVID-19 ka vazhduar në të gjithë vendin.
“Si rezultat i kësaj pune intensive janë evidentuar 145 raste të dyshuara që janë testuar, nga këto kanë rezultuar pozitiv 20 raste,” tha Rakacolli.
Deri të martën në të gjithë vendin janë testuar 1671 personave.
Gjatë 24 orëve të fundit në spitalin Infektiv në QSUT kanë humbur jetën 2 pacientë me COVID-19, nj burrë 62 vjeç nga Durrësi dhe një grua 82 vjeçe nga Tirana.
Aktualisht në spitalin Infektiv janë të shtruar 77 pacientë, nga të cilët 8 janë në terapi intensive dhe 3 janë të intubuar. Ndërkohë, në Spitalin Shefqet Ndroqi është i shtruar një pacient me COVID19.
Gjatë 24 orëve të fundit 8 pacientë me sëmundjen COVID-19 janë shëruar, duke e ccuar numrin total të personave të shëruar nga sëmundja që shkakton koronavirusi i ri në 52.