Gjyqtarja e Gjykatës Administrative të Apelit u shkarkua nga Komisioni i Pavarur i Kualifikimit ditën e hënë për burime të pamjaftueshme në blerjen e dy apartamenteve.
Komisioni i Pavarur i Kualifikimit shpalli vendimin e shkarkimit të gjyqtares Bernina Kondi pasi kishte deklaruar në seancë dëgjimore mungesë të burimeve financiare në vlerën 1 milion lekë edhe për gjendjen cash të bashkëshortit në shumën 2.5 milionë lekë, e deklaruar se ka shërbyer si një prej burimeve për blerjen e apartamentit në vitin 2011.
Trupa gjyqësore e KPK përbëhej nga Xhensila Pine kryesuese, Brunilda Bekteshi relatore dhe Olsi Komici anëtar. Në cilësinë e vëzhgueses ndërkombëtare ishte Elka Ermenkova.
Bernina Kondi ka mbaruar Shkollën e Magjistraturës në vitin 2004 dhe është emëruar gjyqtare në Gjykatën e Beratit. Në vitin 2011, ajo u emërua kryetare e Gjykatës së Beratit, ndërsa në vitin 2013 u dekretua si gjyqtare e Gjykatës Administrative të Tiranës.
Kondi deklari pas seancës për median se do të apelojë vendimin.
Lexo më shumë:
Gjyqtarja Bernina Kondi përballet me probleme të pasurisë në KPK
Subjekti me raport mjekësor, shtyhet seanca në KPA për gjyqtaren Bernina Kondi
Skeda e pasurisë së deklaruar –Bernina Kondi –Gjykata Administrative e Apelit