Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Page Positions Artikull kryesor Lajme

Organizatat ndërkombëtare kundërshtojnë planet e Ramës për ligjin antimedia

Gjergj ErebaraNgaGjergj Erebara
16:30 | 16/09/2020
Në Artikull kryesor Lajme, Lajme, Media Watch, Në Fokus
Kohe leximi: 3 minuta
A A
0
Bashkimi Europian kushtëzon hapjen e bisedimeve me ligjin anti-media

Qytetarë duke protestuar në Tiranë më 18 Dhjetor 2019 kundër ligjit "Rama" për median online. Protestat e qytetarëve sollën paralizimin e maxhorancës qeverisëse më të madhe që ka parë vendi sa i përket numrave të kontrollit parlamentar, duke treguar fuqinë e protestave qytetare. Foto: LSA

Share on FacebookShare on Twitter

Një plan nga Kuvendi i Shqipërisë për të rikthyer për miratim ligjin kontrovers kundër medias online që më herët është kritikuar nga BE-ja dhe Komisioni i Venecias ka alarmuar organizatat vendëse dhe ndërkombëtare të të drejtave të njeriut, të cilat bëjnë thirrje për vetë-rregullimin e medias dhe jo rregullimin shtetëror të saj.

Një protestues duke mbajtur në duar një pankartë ku tërhiqet vëmendja ndaj standardeve Europiane, ku shteti nuk është i autorizuar të rregullojë median, në Tiranë më 17 dhjetor 2019. Foto: Gent Shkullaku/LSA

Shtatë organizata të të drejtave të njeriut i dërguan një letër të hapur Parlamentit të Shqipërisë të mërkurën, të shqetësuar nga raportimet për një përpjekje nga deputetët e Partisë Socialiste në pushtet për të përdorur një teknikalitet ligjor me synimin e miratimit të ligjit anti-media pavarësisht kundërshtive vendëse dhe ndërkombëtare.

Qendra Eurpiane për Lirinë e Shtypit dhe të Medias (ECPMF), ARTICLE 19, Federata Europiane e Gazetarëve (EFJ), Shtypi i Lirë pa Kufi (FPU), Instituti Ndërkombëtar i Shtypit (IPI), Observatori i Ballkanit, Kaukazit Transeuropian (OBCT) dhe Organizata e Medias për Europën Juglindore (SEEMO), i kërkuan parlamentit të heqë dorë nga ligji aktual dhe të nisë procesin nga e para.

“Ne po ju shkruajmë për të shprehur shqetësimin tonë të rëndë mbi planet e dukshme të Kuvendit të Shqipërisë për të injoruar problemet e ngritura nga Opinioni i Komisionit të Venecias nr. 980/2020 i 19 qershorit 2020, duke kërcënuar më shumë lirinë e shtypit dhe lirinë e shprehjes dhe informimit në Shqipëri,” shkruhet në letrën e publikuar në faqen e internetit të ECPMF-së.

“Ne ju nxisim ju të rimendoni për për procedurën e ligjit aktual dhe në vend të kësaj të nisni një proces transparent që krijon një legjislacion të përshtatshëm që trajton të gjitha rekomandimet e Komisionit të Venecias dhe përfshin shoqërinë civile dhe përfaqësues të medias përgjatë të gjithë procesit,” shtohet në letër.

Letra e tyre pason një deklaratë nga organizatat shqiptare të publikuar javën e kaluar. Shqetësimi lidhet me faktin që parlamenti ka në axhendë të shqyrtojë ligjin vetëm në kuadër të nenit 86 të Rregullores së Kuvendit, e cila sanksionon se parlamenti duhet të trajtojë vetëm shqetësimet e ngritura nga dekreti i presidentit Meta.

Organizatat vërejnë se dekreti i presidentit nuk përfshin të gjitha shqetësimet e ngritura nga Opinioni i Komisionit të Venecias, gjë që do të sillte për rrjedhojë një ligj jo në përputhje me standardet ndërkombëtare.

Ligji u propozua fillimisht nga kryeministri Edi Rama si një “Paketë anti-shpifje”  me synimin e krijimit të një organi administrativ me fuqi për t’i kërkuar medias të heqë lajmet që një personi mund t’i duken sikur “cënojnë dinjitetin e individëve” nën kërcënimin e gjobave të rënda. Kritikët mendojnë se ligji do të ketë një efekt frikësues mbi median për shkak të përkufizimeve tepër të përgjithshme.

Pas miratimit të ligjit mes protestave dhjetorin e kaluar, ai u bllokua nga presidenti Ilir Meta i cili e ktheu atë për shqyrtim parlamentar. Socialistët u bënë gati të rrëzonin dekretin e Metës, por u detyruan të tërhiqen pasi Asambleja Parlamentare e Këshillit të Eurpës dorëzoi një kërkesë për opinion në Komisionin Europian Demokraci përmes Ligjit, të njohur si Komisioni i Venecias. Komisioni i Venecias e gjeti ligjin jo në përputhje me standardet ndërkombëtare dhe i rekomandoi Shqipërisë të nxisë vetërregullimin e medias dhe më pas, të garantojë pavarësinë e institucioneve të pavarura si AMA para se të ndërmarrë ndonjë nismë të tillë. Komisioni theksoi gjithashtu se ligji mund të përdoret nga super të pasurit dhe oligarkët për të mbrojtur veten nga kritikat e medias duke pretenduar diskriminim për shkak të pasurisë.

I paprekur nga kritikat, kryeministri Edi Rama këmbënguli në parlament më herët këtë muaj për miratim të shpejtë të ligjit, duke pretenduar se shpifja ka arritur nivele shumë të larta.

Tjetri
Komisioni i rrëzoi një dyzinë me kërkesa ndërsa gjyqtari Hamitaj kërkon përjashtimin e trupës

Shkarkohet nga detyra gjyqtari i Apelit Durrës, Tritan Hamitaj

Më të lexuarat

Seksizmi si ana e dukshme e paaftësisë dhe papërgjegjshmërisë

Seksizmi si ana e dukshme e paaftësisë dhe papërgjegjshmërisë

19:09 | 18/03/2023
Bashkimi Europian kushtëzon hapjen e bisedimeve me ligjin anti-media

Organizatat ndërkombëtare kundërshtojnë planet e Ramës për ligjin antimedia

16:30 | 16/09/2020
Shqiptarët u përballën me rënie të ndjeshme të pagave më 2016

Paratë e drogës si faktor i mosrritjes së pagave

13:42 | 21/03/2023
Buzëqeshja e Tristanit, një emblemë që do t’i mungojë qytetit

Buzëqeshja e Tristanit, një emblemë që do t’i mungojë qytetit

13:49 | 20/03/2023

Gjykata liroi zyrtaren e akuzuar për mashtrim pasi fëmijët e saj ishin të trishtuar

15:47 | 21/03/2023
Praktikat e blerjes së dy apartamenteve sollën shkarkimin e gjyqtares Bernina Kondi

Kolegji rrëzon “cënimin e besimit” për Bernina Kondin, por lë në fuqi shkarkimin

19:52 | 20/03/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.