Agjencia deklaroi gjithashtu se ajo nuk gjen prova për të lidhur mpiksjen e gjakut me vaksinat por as nuk e përjashton mundësinë që rastet vdekjeprurëse të mpiksjes së gjakut të kenë lidhje me efektet anësore të vaksinës. Ajo përditësoi udhërrëfyesin e saj ku autoritetet duhet t’i shpjegojnë mjekëve dhe përdoruesve efektet e mundshme anësore.
Ka pasur 30 raste të mpiksjes së gjakut nga të 30 milionë personat e vaksinuar me AstraZeneca, gjë që shtyri shumë shtete të pezullojnë përkohësisht përdorimin e saj.
Sipas agjencisë, përfitimet janë më të mëdha se sa rreziqet nga vaksinimi me AstraZeneca, pasi ajo parandalon sëmundjen COVID-19, e cila shkakton veçanërisht probleme me mpiksjen e gjakut, të cilat janë shumë më shpesh vdekjeprurëse se sa rastet e dyshuara si efekte anësore të vaksinës.
Agjencia i konsideroi rreziqet si “raste jashtëzakonisht të rralla” por kjo do të thotë gjithashtu që qytetarët duhet të jenë të vetëdijshëm për këtë rrezik të paktë dhe të kërkojnë ndihmë mjekësore të menjëhershme në rast të shfaqjes së simptomave.
Pothuajse të gjitha rastet e raportuara dhe të dyshuara si efekte anësore kanë qenë gra nën moshën 55 vjecc.
Agjencia i rekomandon gjithashtu të vaksinuarve me AstraZeneca të kenë parasysh këto shenja për të kapur në kohë rastet e kësaj sindrome.
* Vështirësi në frymëmarrje,
* dhimbje në kraharor apo në stomak,
* mpirje apo ftohje në krah apo këmbë,
* dhimbje koke të fortë apo pamje e mjegullt,
* rrjedhje gjaku,
* nxirje të shumta apo skuqje në trup apo grimca gjaku të ngrirë nën lëkurë.