Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Lajme

Komisioni për zgjedhjet në vendnumëro, Alibeaj paralajmëron kallëzime penale

Blerina GjokaNgaBlerina Gjoka
18:46 | 17/11/2021
Në Lajme, Në Fokus
Kohe leximi: 3 minuta
A A
0
Komisioni për zgjedhjet në vendnumëro, Alibeaj paralajmëron kallëzime penale

Enkelejd Alibeaj dhe Toni Gogu gjatë një mbledhjeje të komisionit hetimor për zgjedhjet e 25 prillit. Foto: LSA

Share on FacebookShare on Twitter

Disa ministri, institucione të pavarura si dhe një numër i madh bashkish nuk u janë përgjigjur kërkesave për informacion të komisionit hetimor për zgjedhjet e 25 prillit. Kryetari Alibeaj tha se do të bënte kallëzim penal për drejtuesit e tyre.

Enkelejd Alibeaj dhe Toni Gogu gjatë mbledhjes së zhvilluar të mërkurën. Foto: LSA

Komisioni hetimor parlamentar për zgjedhjet e 25 prillit verifikoi të mërkurën përgjigjet e mbërritura nga institucionet shtetërore në bazë të kërkesave të dërguara nga ky komision, duke konstatuar mungesën e përgjigjeve nga një numër i madh i tyre.

Edhe pse u ishte lënë një shtesë 5 ditore mbi afatin ligjor, disa ministri, një numër i madh bashkish, përfshirë edhe Bashkinë e Tiranës, Shërbimi Informativ Shtetëror si dhe disa inspektoriate rezultuan se nuk i kishin dërguar të dhënat e kërkuara.

Kryetari i Komisionit, Enkelejd Alibeaj paralajmëroi padi penale për çdo institucion që nuk dorëzon përgjigjet brenda orarit zyrtar të punës së Kuvendit të datës 17 nëntor.

“Do të konsiderohet që ky detyrim ligjor ndaj Kuvendit të Republikës nuk është përmbushur dhe duke qenë i tillë, do të reagojmë për të paraqitur kallzim penal për shpërdorim detyre ndaj këtyre institucioneve që nuk i janë përgjigjur këtij detyrimi ligjor,“ tha Alibeaj.

Alibeaj bëri me dije se u kishte nisur një letër paralajmëruese të gjithë institucioneve, ku u kërkonte përshpjetimin e procedurës së kthimit të përgjigjeve ndaj kërkesave të komisionit.  Nënkryetari socialist, Toni Gogu e cilësoi letrën e Alibeajt si shkelje të ligjit dhe presion ndaj institucioneve shtetërore.

Ndërkohë, një përgjigje e ardhur nga Drejtoria e Policisë së Shtetit futi në dilemë komisionin pasi përgjigjia ishte konsideruar si “informacion të klasifikuar”.

“E klasifikuar do të thotë që nuk mund të njihet nga publiku, por nuk mund të shihet as nga anëtarët e komisionit,”tha Alibeaj, duke shtuar se kjo prek drejtpërdrejt “aftësinë dhe të drejtën për të hetuar”.

Pyetjet që i ishin drejtuar Policisë së Shtetit kërkonin informacion për numrin e shtetasve të ndaluar, të arrestuar dhe të referuar në organin e akuzës për krime zgjedhore dhe numrin e shtetasve shqiptarë që kanë hyrë nga kufiri me Greqinë e Maqedoninë e Veriut në javët para zgjedhjeve.

“Këto dy të dhëna besoj janë të tilla që nuk synojnë të dhëna sekrete, sensitive, janë thjesht statistika,” sqaroi Alibeaj për BIRN, ndërsa shtoi se do t’i kërkojë Policisë së Shtetit që të deklasifikojë përgjigjen. Në të kundërt, deputetët duhet të pajisen me certifikatë sigurie për t’u njohur me përgjigjet.

Komisioni u përfshi në debate të të gjata politike lidhur me përgjigjen e ardhur nga Partia Demokratike, të cilën përfaqësuesit socialistë e cilësuan një përgjigje bosh me synim “anashkalimin e komisionit”.

Socialistët i kishin kërkuar PD-së të dhëna mbi mënyrën e funksionimit dhe përbërjen e strukturave partiake të mbrojtjes së votës, por në përgjigjen e saj, PD e cilësonte kërkesën jashtë objektit të hetimit të komisionit dhe të dhënat e kërkuara si “të dhëna organizative të brendshme të partisë”.

“Kjo kërkesë shkel të drejtën e organizimit të lirë të një partie politike,”tha Gazmend Bardhi, anëtar i komisionit, në të njëjtën kohë sekretar i Përgjithshëm i PD-së.  Më pas debati percepitoi me akuza politike për përfshirjen e elementëve kriminalë në fushatë elektorale.

Etiketa: Enkelejd AlibeajKomisioni hetimor parlamentarToni GoguZgjedhjet e 25 prillit
Tjetri
Institucionet e drejtësisë në Shkodër ngrenë alarmin për rritjen e krimit ndër të mitur

Institucionet e drejtësisë në Shkodër ngrenë alarmin për rritjen e krimit ndër të mitur

Më të lexuarat

Komisioni për zgjedhjet në vendnumëro, Alibeaj paralajmëron kallëzime penale

Komisioni për zgjedhjet në vendnumëro, Alibeaj paralajmëron kallëzime penale

18:46 | 17/11/2021
Gjyqtarja Antonela Prendi jep shpjegime për burimet e pasurisë

Gjyqtarja Antonela Prendi jep shpjegime për burimet e pasurisë

17:24 | 26/01/2023
Ndotja minerare rrezikon statusin e UNESCO-s për liqenin e Ohrit

Ndotja minerare rrezikon statusin e UNESCO-s për liqenin e Ohrit

18:02 | 22/01/2023
PS rrëzon hetimin parlamentar për fluturimet e Ramës me avionë çarter

Charles McGonigal, zyrtar i lartë i FBI, nën akuzë për para dhe takime të padeklaruara me Edi Ramën

10:45 | 24/01/2023
Transformimi i PS në ‘makineri elektorale’ i jep Edi Ramës mandatin e tretë

Urdhri i Ramës për të kënduar himnin në shkolla pritet me kritika

15:25 | 18/01/2023
KPK konfirmon në detyrë gjyqtaren Antonela Prendi

KPK konfirmon në detyrë gjyqtaren Antonela Prendi

11:57 | 27/01/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.