Fondi Europian për Ballkanin ka krijuar një platformë të re dixhitale që do të shërbejë si një Librari e Historisë së Përbashkët për Europën Juglindore, duke ofruar pa pagesë tituj të shumtë librash historik nga vendet e Ballkanit.
“Fondi Europian për Ballkanin e kupton se këto libra janë një mjet i rëndësishëm jo vetëm për mësimin e historisë, por edhe për hapjen e një kulture dialogu dhe mënyrash të ndryshme të të menduarit.”, është shprehur në deklaratën për shtyp Drejtoresha Ekzekutive e Fondit Europian për Ballkanin, Aleksandra Tomanić.
“Librat e Historisë së Përbashkët mund të jenë një rrugëdalje nga një sistem arsimor kryesisht një dimensional në rajonin e Europës Juglindore dhe kanë potencialin për të inkurajuar shkëmbimin rreth perspektivave dhe përvojave të ndryshme.”, shtoi Tomanić.
Librat e Historisë së Përbashkët prej 13 vendeve të Europës Juglindore përbejnë një koleksion unik të burimeve historike të përpiluara në periudhën e viteve 1998 – 2016.
Në këtë iniciativë janë përfshirë më shumë se 100 historianë dhe 300 mësues nga shtetet e Shqipërisë, Kosovës, Bullgarisë, Kroacisë, Bosnjes dhe Hercegovinës, Greqisë, Qirpos, Malit të Zi, Rumanisë, Maqedonisë së Veriut, Sllovenisë, Serbisë dhe Turqisë.
Qëllimi i kësaj iniciative është të tregoje se çdo histori ka disa këndvështrime, dhe se agjë nuk është tabù në Librat e Historisë së Përbashkët.
Tematikat që trajtojnë këto libra variojnë nga fytyra e diktaturës deri tek shpërbërja e Jugosllavisë.
“Duke i vënë sërish në dispozicion këto libra, shpresoj se ministritë do të rishprehin interesin e tyre dhe do të rekomandojnë përdorimin e tyre në shkolla”, thotë Zvezdana Kovaç, ish-drejtoreshë ekzekutive e Qëndrës për Demokraci dhe Pajtim në Europën Juglindore (QDPEJ).
Një kontribut të jashtëzakonshëm në prodhimin e këtyre librave ka dhënë themeluesi dhe iniciatori i idesë, z. Costa Carras, raportues i QDPEJ i cili ndërroi jetë së fundi, si edhe Profesoreshë Christina Koulouri, koordinatore e përgjithshme dhe redaktore e serive.
Platforma “Librat e Historisë së Përbashkët” mund të vizitohet nga të gjithë nëpërmjet linkut www.jointhistory.net, faqe e disponueshme në nëntë gjuhë të ndryshme për vizitorët dhe entuziatët e librave që kjo platformë përmban.
