Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Lajme

Ministria e Financave harron të raportojë vlerën e investimeve te incineratori i Tiranës

Një raport i vonuar i Ministrisë së Financave në lidhje me ecurinë e kontratave koncesionare, në mënyrë misterioze dështon të raportojë mbi vlerën e investimeve të kryera në koncesionin kontrovers të fushave të plehrave të Tiranës, ndërsa raporton se kontrata koncesionare për segmentin Milot-Balldre është ndërprerë.

Gjergj ErebaraNgaGjergj Erebara
17:25 | 07/11/2022
Në Artikull kryesor Lajme, Lajme
Kohe leximi: 2 minuta
A A
0
Si funksionon skema e mashtrimit me TVSH-në?

Kryeministri Edi Rama dhe ministrja e Financave Delina Ibrahimaj. Foto: LSA

Share on FacebookShare on Twitter

Ministria e Financve publikoi së fundmi raportin vjetor të ecurisë së kontratave koncesionare për vitin 2021, pas këmbënguljes së përsëtirur të medias, por në raportin e publikuar, disa të dhëna kyçe, të tilla si vlera e investimeve të kryera në incineratorin e Tiranës, në mënyrë misterioze, mungojnë.

Raporti, i cili mund të gjendet në faqen e internetit të Ministrisë së Financave, vëren se projekti koncesionar për ndërtimin e rrugës së Arbrit nuk ka realizuar investimet e planifikuara por edhe në këtë rast, nuk flet për kompensim për taksapaguesit për këtë vonesë në realizim. Raporti njofton gjithashtu se kontrata koncesionare për ndërtimin e segmentit rrugor Milot-Balldre përfundimisht ka dështuar dhe se qeveria ka njoftuar kompaninë koncesionare për ndërprerjen e kontratës.

Ministria e Financave u detyrua nga ligji “Për koncesionet/PPP” në vitin 2018 që të raportojë në Kuvendin e Shqipërisë dhe për publikun e gjerë për ecurinë e kontratave, në veçanti për kostot e tyre dhe për ecurinë e planeve të investimeve të kontraktuara nga qeveria me operatorët privatë, me synimin e mbajtjes llogaridhënëse të qeverisë.

Raporti i publikuar së fundmi paraqet ecurinë e kontratave koncesionare gjatë vitit 2021.

Nuk ka vlerë investimi për landfillin e Tiranës

Qeveria shqiptare nënshkroi një kontratë koncesionare me një grup biznesmenësh kontrovers në vitin 2017. Kontrata parashikonte një investim në masën 17.1 miliardë lekësh që duhej të kryhej nga kompania private në këmbim të të ardhurave mikse nga buxheti i shtetit si dhe nga tarifat e përdorimit, të ardhura që vlerësohet të arrijnë në së paku 50 miliardë lekë në tre dekadat e ardhshme. Kontrata parashikon mes të tjerash edhe ndërtimin e një incineratori për djegien e plehrave dhe prodhimin e energjisë elektrike, projekt që ka shqetësuar Bashkimin Evropian, i cili promovon ekonominë qarkulluese, pra riciklimin dhe jo djegien. Gjithsesi, në landfillin e Tiranës aktualisht nuk vërehet se po punohet për ndërtimin e ndonjë objekti, të tillë si incineratori ndërsa Ministria e Financave pati raportuar në raportin e mëparshëm se pajisjet për impjantin “janë porositur” por nuk janë vendosur ende në situacionin e punimeve.

“…janë kryer dhe porositë e pjesëve përbërëse të impiantit të cilat nuk janë situacionuar ende, pasi situacionohen në momentin që vijnë në kantier. Vlera e investuar për porositë e këtyre pjesëve të impiantit është 30 milion Euro,” shkruhet në raportin për ecurinë e koncesioneve të vitit 2020.

Ndryshe nga ky raport, në raportin e vitit 2021, Ministria e Financave harron të përmendë se si kanë ecur investimet në këtë koncesion. Raporti thotë se Bashkia Tiranë dhe bashkitë e tjera kanë kryer 100% detyrimin kontraktor për pagesat për kompaninë ndërsa sa i përket investimit të saj, për këtë nuk ka të dhëna.

Etiketa: Delina IbrahimajEdi RamaIncineratoretKoncesionMinistria e Financave
Tjetri
Opozita e quan buxhet elektoral rritjen e fondeve për bashkitë në 2023

Opozita e quan buxhet elektoral rritjen e fondeve për bashkitë në 2023

Më të lexuarat

Si funksionon skema e mashtrimit me TVSH-në?

Ministria e Financave harron të raportojë vlerën e investimeve te incineratori i Tiranës

17:25 | 07/11/2022
Seksizmi si ana e dukshme e paaftësisë dhe papërgjegjshmërisë

Seksizmi si ana e dukshme e paaftësisë dhe papërgjegjshmërisë

19:09 | 18/03/2023
Si u kthye Tirana në kryeqytetin e skemave mashtruese të investimeve

Si u kthye Tirana në kryeqytetin e skemave mashtruese të investimeve

10:08 | 13/03/2023
KPK shkarkon nga detyra gjyqtarin Arben Kostandini

KPK shkarkon nga detyra gjyqtarin Arben Kostandini

10:51 | 15/03/2023
Buzëqeshja e Tristanit, një emblemë që do t’i mungojë qytetit

Buzëqeshja e Tristanit, një emblemë që do t’i mungojë qytetit

13:49 | 20/03/2023
Arrestohen drejtuesit e Bashkisë Bulqizë, falsifikuan 2.8 milionë euro tender

Arrestohen drejtuesit e Bashkisë Bulqizë, falsifikuan 2.8 milionë euro tender

11:16 | 16/03/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.