Komiteti i Përhershëm i Konventës së Bernës, në takimin e tij vjetor në Strasburg, i ka kërkuar autoriteteve shqiptare ndalimin e punimeve për aeroportin e Vlorës.
“Duke ndërtuar një një aeroport në një koridor shtegtues të një zone të mbrojtur, qeveria shqiptare jo vetëm po shkatërron natyrën e vendit të saj, por edhe po dëmton trashëgiminë natyrore të të gjithë kontinentin Europian”, thotë Aleksandër Trajçe, drejtor ekzekutiv i PPNEA në Shqipëri.
“Komiteti gjithashtu i kërkon qeverisë shqiptare të nisë një program monitorimi gjithpërfshirës të jetës së egër dhe të integrojë të dhënat në raportin e rishikuar të vlerësimit të ndikimit në mjedis”, citon deklarata e përbashkët për shtyp e PPNEA, AOS dhe EuroNatur.
Shoqata e Ruajtjes dhe Mbrojtjes së Mjedisit Natyror në Shqipëri PPNEA dhe Shoqata e Ornitologëve Shqiptarë AOS me suportin e EuroNatur kanë ngritur padi në Gjykatën Administrative më 23 Nëntor të këtij viti kundër ndërtimit të aeroportit brënda Peisazhit të Mbrojtur Vjosë-Nartë.
Konventa e Bernës ka mbështetur kërkesat e ketyre organizatave pas vlerësimit të situatës në terren nga përfaqësues nga Konenta e Bernës dhe nga Konventa për Shpendët Shtegues si edhe Marrëveshjen për Ruajten e Shpendëve të Ujit të Afirkës dhe të Euroazisë.
“Autoritetet Shqiptare duhet të ndalojnë menjëherë këto aksione që po shkatërrojnë mjedisin”, është shprehur Annete Spangenberg, drejtuese e konservimit pranë EuroNatur. “Është e vështirë të imagjinohet anëtarësimi i Shqipërisë në Bashkimin Europian kur po shkatërrohen qëllimisht zonat e mbrojtura”, shtoi ajo.
Nga ana tjetër, drejtori ekzekutiv i AOS, Taulant Bino i ka bërë thirrje qeverisë shqiptare të ndalojë këto plane me pasoja negative.
“I bëj thirrje qeverisë shqiptare t’i bindet vendimit të Komitetit të Përhershëm të Konventës së Bernës, dhe për të bashkëpunuar në rimëkëmbjen e habitateve të dëmtuara brënda Zonës së Mbrojtur”, tha Bino.
