Nëpërmjet një deklarate për shtyp SPAK njoftoi mëngjesin e së mërkurës arrestimin e shtetasit G.Ç, i cili akuzohet për veprën penale “nxitja, thirrja publike dhe propaganda për kryerjen e veprave me qëllime terroriste”, të parashikuar nga neni 232/a i Kodit Penal.
Sipas medias i arrestuari ka shpërndarë nëpërmjet disa llogarive të rrjeteve sociale me emra të tjerë thirrje terrorriste dhe përmbajtje radikale në mbështetje të organizatës terrorriste ISIS, si edhe fotografi të xhihadistëve nga Shteti Islamik.
Shpërndarja e përmbajtjeve me karakter ekstremist apo radikale përbën vepër penale dhe dënohet me me burgim nga katër deri në dhjetë vjet heqje lirie.
Prokuroria e Posaçme kundër Korrupsionit dhe Krimit të Organizuar në bashkëpunim me oficerët e policisë gjyqësore të Drejtorisë së Antiterrorit ka vendosur masën e sigurimit personal “arrest në burg” për të dyshuarin.