Komisioni i Pavarur i Kualifikimit, KPK shpalli të premten më 28 prill vendimin për konfirmimin në detyrë të këshilltarit ligjor të Gjykatës Kushtetuese, Ermal Tauzi. Gjatë seancës dëgjimore më 26 prill, Komisioni nuk evidentoi probleme për Tauzin në asnjë prej kritereve të rivlerësimit.
Procesi i rivlerësimit për Ermal Tauzin u kryhe nga trupa e KPK e kryesuar nga Valbona Sanxhaktari, me relatore Pamela Qirkon dhe anëtare Alma Faskaj.
Ermal Tauzi ka punuar fillimisht si këshilltar ligjor pranë Kuvendit të Shqipërisë dhe prej vitit 2016 e ushtron detyrën si këshilltar ligjor pranë Gjykatës Kushtetuese.