Komisioneri Shtetëror i Zgjedhjeve Ilirjan Celibashi i propozoi Komisionit të Ankimimeve dhe Sanksioneve gjoba nga 3 milion lekë për dy partitë kryesore në vend Partinë Socialiste dhe atë Demokratike, pasi miratoi edhe raportin e gjetjeve “nga auditimi i fondeve të përfituara dhe shpenzuara nga partitë politike pjesëmarrëse në zgjedhjet e pjesshme vendore të datës 6 Mars 2022”.
Komisioneri po ashtu propozoi gjoba edhe për një sërë kandidatësh për kryebashkiak në zgjedhjet lokale të pjesshme, ndërsa vendosi direkt saksione edhe për 30 televizione përfshi Top-Channel dhe Syri Tv.
Ndërkohë 103 parti të tjera u gjobitën direkt nga Komisioneri me gjoba nga 60 mijë në 100 mijë lekë për shkelje të ligjeve zgjedhore pas miratimit të auditit financiar për vitin 2021.
Në njoftim nuk bëhen me dije shkeljet e kryera, por vendimi është marrë pas auditimit të financave për vitin 2021 dhe auditit të përdorimit të fondeve për zgjedhjet lokale të pjesshme të vitit 2022.
