Në parashtrimet e tyre, të tria partitë kundërshtuan këtë vendimmarrje të komisionerit Ilirian Celibashit, duke deklaruar se auditimi nuk është bërë në mënyrën e duhur.
Përfaqësuesi i PASH, Emin Subashi, deklaroi se autidi nuk është kryer sipas ligjit, pasi sipas tij nuk lodhet aktiviteti i partive me aktivitetin financiar.
“Nuk kryejmë transaksione ne partitë e vogla, nuk mund të lidhet aktiviteti i partisë me tatimet”, tha ndër të tjera Subashi.
Edhe përfaqësuesi i Bindjes Demokratike, Fabian Topollaj përsëriti qëndrimin e tij kundër masës administrative.
“Nuk mbështetet as në fakt dhe as në ligj vendimi i KQZ”, deklaroi Fabian Topollaj nga Bindja Demokratike duke shtuar se i janë përgjigjur çdo kërkese të audituesit.
Ndërkohë Partia Socialiste në këtë mbledhje nuk kishte përfaqësues të pranishëm. Ky vendim i KAS mund të ankimohet në Kolegjin Zgjedhor.
Komisioni Qendror i Zgjedhjeve pas auditit financiar të vitit 2022, gjobiti dhjetëra parti për parregullsi. Partia Socialiste dhe Partia Ardhmëria Shqiptare, u gjobitën me 60 mijë Lekë të rinj, ndërsa Bindja Demokratike me 1 milionë Lekë të rinj.
