Ishemitë cerebrale konsiderohen një ndër shkaqet kryesore të vdekjeve dhe paaftësisë në botë, ndërsa në Shqipëri mjekët paralajmërojnë prej vitesh një rritje të numrit të pacientëve. Gjithsesi, mënyrat e trajtimit dhe të rehabilitimit të pacientëve vazhdojnë të mbeten një sfidë për sistemin shëndetësor shqiptar.
Përmes kësaj thirrjeje, BIRN fton pacientët që i kanë mbijetuar një goditjeje në tru apo familjarë të tyre që të ndajnë me ne përvojën e tyre në përballjen me sistemin shëndetësor si dhe vështirësitë e hasura gjatë procesit të rehabilitimit. Ne kërkojmë gjithashtu kontributin e personelit shëndetësor që i trajton këto raste, të cilët dëshirojnë të ndajnë me ne mangësitë e sistemit.
Ne kërkojmë të dimë nëse:
- Ndihma emergjente në spital pas goditjes ka qenë në cilësinë e duhur
- Jeni trajtuar ose jo në një qendër shtetërore rehabilitimi pas sëmundjes dhe çfarë shërbimesh keni marrë
- Vështirësitë dhe kostot e trajtimeve të rehabilitimit në sistemin privat
Ne synojmë të investigojmë mangësitë sistemike të shërbimit shëndetësor në trajtimin e këtyre rasteve dhe ju garantojmë që të dhënat tuaja do të jenë të sigurta dhe nuk do të publikohen në asnjë rast pa marrë më parë miratimin tuaj.
Për të marrë pjesë, gjithë sa duhet të bëni është të plotësoni pyetësorin e mëposhtëm. Ju mund të na kontaktoni gjithashtu në rrjetet tona sociale ose në adresën e emailit: [email protected]
Përgjigjet tuaja i presim deri me 20 shkurt, ora 24:00.
