Prokuroria e Vlorës njoftoi të mërkurën më 19 nëntor sekuestrimin e pasurive me vlerë 3.5 milionë euro në pronësi të 55-vjeçarit Agron Lamaj alias Aglon Lamaj dhe subjektit “Rei Royal” sh.p.k.. Policia bëri me dije më 10 tetor se Lamaj u ndalua në Aeroportin e Rinasit teksa tentoi të hynte në Republikën e Shqipërisë, ndërkohë që që ishte në kërkim nga autoritetet në Firence të Italisë, pasi ishte dënuar me 7 vjet burgim për trafikim të lëndëve narkotike.
Sipas prokurorisë, hetimi për pastrim të produkteve penale ka filluar në vitin 2022, prej nga ka rezultuar se nuk është provuar burimi i ligjshëm i pasurive të shumta të paluajtshme. Me kërkesë të prokurorisë Vlorë, gjykata respektive ka vendosur masën e sigurimit pasuror “Sekuestro preventive” ndaj 12 njësive me sipërfaqe të përgjithshme rreth 768 m2; dy apartamente me sipërfaqe 270 m2; dy pasuri të llojit “pemëtore” me sipërfaqe totale 1600 m2; truall me sipërfaqe 249.5 m2 dhe një garazh me sipërfaqe 202 m2.
Në njoftimin e policie të një muaji më parë, bëhej me dije se Lamaj ishte dënuar Gjykata e Apelit e Firences në vitin 2024 për trafikim të lëndëve narkotike, pasi akuzohej se në vitin 2007, në bashkëpunim me shtetas të tjerë transportuar drogë nga Holanda në Itali.
