Tre anëtarët e Komisionit të Zhvillimit të Karrierës pranë Këshillit të Lartë të Prokurorisë, Mirela Bogrdani, Ledina Riza dhe Sokol Stojani paraqitën tre propozime të ndryshme lidhur me numrin e vendeve për vitin akademik 2026-2027 në Shkollën e Magjistraturës.
Kryetarja e KLP, Mirela Bogdani propozoi 15 vende, me argumentin se ka ngarkesë si pasojë e stokut të dosjeve të viteve të kaluara, si dhe ezaurim të prokurorëve si pasojë e largimit nga procesi vetingut. Anëtarja Ledina Riza propozoi 10 vende, duke argumentuar se politikat qeverisëse të brendshme dhe ndërkombëtarët kanë sugjeruar shtimin e numrit të prokurorëve. Ndërsa anëtari Sokol Stojani propozoi pesë vende, duke parashtruar se duhet t’u jepet mundësia dhe brezave të ardhshëm që të ndjekin Shkollën e Magjistraturës.
Propozimi i Stojani u mbështet dhe nga anëtarët Vatë Staka dhe Erion Fejzulla. Staka solli në vëmendje faktin se vetëm me ligjin për Amnistinë të miratuar së fundmi nga Kuvendi, pushon rreth 9000 procedime penale. Sipas tij, prokurorëve aktualë u mbeten mesatarisht 80-90- dosje.
Anëtari Fejzulla argumentoi se duhej të vlerësohej dhe numri i caktuar vitet e mëparshme. Ai tha se 7 vende do të ishin e mesmja e artë dhe e hodhi si propozim. Në përfundim, u votuan të katër propozimet, prej nga ai i anëtarit Fejzulla u miratua me 8 vota pro.
