Lajm20 Mar 2019

Vritet në Shkodër 35-vjeçari  nga Thethi

Një 35-vjeçar u qëllua ndërs udhëtonte në makinën e tij nga një person ende i panjohur në Shkodër. Policia gjeti një motor të djegur që dyshohet se i përket autorit.

Autor: Vladimir Karaj BIRN Shkodër
Printo

Vendi i ngjarjes në Grudë të Shkodrës. Foto: Anila Dushi

Një 35-vjeçar i identifikuar si Ferdinant Polia është qëlluar ndërsa udhëtonte me makinën e tij në Grudë të Shkodrës. Polia sipas policisë është plagosur rëndë dhe pavarësisht ndihmës mjekësore nuk ia doli tu mbijetonte plagëve.

Ngjarja ka ndodhur në 16.30 të së mërkures në fshatin Grudë, pjesë e Njësisë Administrative Rrethina në Shkodër. Viktima njihej si pronar i një bujtine në Theth dhe ishte i përfshirë në biznesin e turizmit.

Policia thotë se viktima kishte qenë pranë një servisi në të cilin kishte marrë makinën e lënë për riparim dhe është larguar prej aty sëbashku me një punëtor të servisit. Pas kësaj ai është qëlluar me breshëri nga një person që është larguar me një motor. Policia gjeti një motor të djegur pranë Urës së Mesit në Shkodër dhe dyshon se ai është mjeti i përdorur nga autorët.

Ferdinand Polia ka qenë punonjës i Administratës së Zonave të Mbrojtura në parkun kombëtar të Thethit.