Një organizatë ruse e quajtur Fronti i Kosovës i bëri thirrje serbëve të dhurojnë para për separatistët pro-rusë në Ukrainën lindore të cilët janë pranë disfatës
“Deri tani kemi grumbulluar rreth 800 euro, të cilat do t’i jepen mbrojtësve të plagosur të rajonit Donbas [Ukraina lindore]. Ne do të blejmë gjithashtu uniforma dhe pajisje për njësinë Sllavo-Serbe ‘Jovan Sevic’”, tha Zeljko Djurovic, një përfaqësues i Frontit të Kosovës në Serbi për BIRN.
Djurovic tha se rreth dhjetë njerëz nga Serbia dhe Bosnja si dhe serbë nga Kanadaja, Australia dhe Zvicra kanë dhuruar para përgjatë dy javëve të fundit. Njerëzit kanë ofruar ushqime dhe rroba për aktivistët pro-Rusë në Ukrainë.
“Disa njerëzz madje kërkuan që unë t’i ndihmoja për të udhëtuar nga Serbia në Ukrainë për shkak se ata dëshirojnë të ndihmojnë forcat tona, por ne nuk e bëjmë këtë,” shtoi ai.
Agjencia e lajmeve ruse RIA Novosti raportoi javën e kaluar se disa vullnetarë nga Serbia po i bashkohen separatistëve pro-Rusë në luftën e tyre kundër trupave qeveritare në Ukrainën lindore.
Agjencia raportoi se Igor Strelkov, i cili udhëheq forcat mbrojtëse të Republikës Popullore të Donetskut, duke thënë se ai njihte disa luftëtarë serbë që nga koha kur ata luftuan në Bosnjë dhe Herzegovinë në vitet 1992-95.
Duke reaguar ndaj raportit, kryeministri i Serbisë Aleksandar Vucic komentoi: “Çdo përfshirje e nënshtetasve të Serbisë në krizën e Ukrainës shkon kundër interesit të Serbisë.”
Një udhëheqës i Frontit të Kosovës në Moskë, Aleksandar Kravchenko, ka përgënjeshtruar ndërkohë lajmin se serbët po luftojnë në Ukrainën lindore për para.
“Është njëheshtër. Ata të gjithë janë vullnetarë që dashurojnë popullin e Rusisë,” tha ai.
“Unë i takova ata në Donetsk dhe askush nuk ka ardhur për para por për të ndihmuar rusët që po vriten nga fashistët e Ukrainës,” tha Kravchenko për një faqe interneti serbe të hënën.
“Fronti i Kosovës është një organizatë humanitare dhe ne nuk rekrutojmë njerëz për të luftuar me ne,” shtoi Kravchenko.
