Hapja të hënën e një segmenti të ri të autostradës dhe një tuneli të madh mes Sarajevës dhe Zenicës shënon një fazë të re të ndërtimit të korridorit evropian nga Kroacia në Veri drejt brigjeve të Adriatikut në jug
Një tunel mbi 3 kilometra i gjatë dhe një autostradë prej 6 kilometrash përgjatë projektit të autostradës nga Sarajeva deri në Zenica të Bosnjës u hap të hënën, duke shënuar një fazë tjetër në planin strategjik për të ndërtuar korridorin rrugor nga Droacia deri në bregdetin e Adriatikut përmes Bosnjës dhe Herzegovinës.
Duke lidhur Sarajevën me qytetin qendror të Zenicës me autostradë, autoritetet shpresojnë të lehtësojnë trafikun në këtë segment të mbingarkuar dhe të shkurtojnë kohën e udhëtimit mes dy qyteteve në rreth 30 minuta.
Para ndërtimit të autostradës, udhëtimi merrte më shumë se një orë.
Tuneli me emrin Mars 1, dita e referendumit për pavarësi të Bosnjës, ka qenë nën ndërtim prej shumë vitesh, fillimisht nga dy kompani sllovene, të cilat falimentuan dhe më pas nga një konsorcium kompanish bosnjake.
Tuneli i ri është më i gjati në Bosnjë dhe një nga projektet infrastrukturore më të rëndësishme të ndërtuara në vend që nga lufta e viteve 1992-1995. Ai kushtoi më shumë se 62 milionë euro, tha kompania sipërmarrëse JP Autoceste, the Federation highway për BIRN.
Një pjesë tjetër e autostradës nga Sarajeva drejt jugut do të hapet së shpejti për përdorim – segmenti shkon drejt Tarcin, një qytezë që gjendet rrugës për në Mostar.
Korridori Vc apo 5c, ku bën pjesë Bosnja, është konceptuar për të lidhur Kievin në Ukrainë me Sllovakinë dhe Hungarinë ndërsa do të dalë në detin Adriatik përmes Bosnjës.
Korridori paneuropian përbëhet nga tri degë, nga të citat Vc ndjeh një rrugë nga Budapesti në Hungari drejt Ploces në brigjet e Kroacisë, duke u kryqëzuar me Korridotin 10, i cili shkon nga Zagrebi drejt Beogradit.
Segmenti më i gjatë i Vc gjendet në Bosnjë dhe Herzegovinë me 335 kilometra në total, nga të cilat rreth një e katërta është ndërtuar deri tani ose është në ndërtim.
Rreth 50 kilometra janë hapur për trafik më herët ndërsa 10 të tjera u hapën më 25 gusht. Rreth 20 kilometra janë në ndërtim.
