Me vendimin e tij të pazakontë për t’u kthyer në Francë me biçikletë, ambasadori në ikje Roland Gilles dërgoi një mesazh rreth thyerjes së barrierave te komunitetet në vendin e ndarë.
Ambasadori francez Roland Gilles përfundoi mandatin e tij 4-vjeçar në Bosnje duke u largua nga Sarajeva më 1 shtator me biçikletë, me synimin që të përçojë një mesazh politik përmes sportit.
Në vend që të merrte makinën apo avionin, zgjedhja e pazakontë dyrrotake e ambasadorit ka nxitur çiklistët vendas të kërkojnë infrastrukturë më të mirë për çiklizmin.
Duke filluar një udhëtim 15-ditor, Roland Gilles dhe bashkëshortja e tij, Claudia Carceroni-Santaigne, një kampione botërore e sportit në fjalë, iu drejtuan Parisit me biçikleta malore.
Ambasada Franceze tha se vendimi i Gilles për t’u kthyer me biçikletë nuk ishte sipërfaqësor. “Sporti është një mënyrë e mirë për të thyer barrierat mes njerëzve,” deklaroi Ambasada, duke shtuar se forca e Gilles si ambasador shtrihet edhe në aftësinë e tij për të formuar marrëdhënie me njerëz nga të gjitha etnitë.
“Do të kthehem,” tha Gilles, i cili u bë i njohur gjatë mandatit të tij në Bosnjë për 100 kilometrat e bëra me biçikletë pothuajse çdo ditë në udhëtime rreth vendit që nga qytetet e mëdha deri te fshatrat e vegjël.
Carceroni-Santaigne ishte e freskët pas fitimit të një medalje argjendi në finalen e Turit Botëror të Çiklizmit në Lubjanë të dielën, gjatë së cilës mbajti veshur një fanellë të Bosnje-Hercegovinës.
Gilles luajti rol të rëndësishëm në organizimin e Çmimin e Madh të Sarajevës në qershor, të sponsorizuar prej organizatorëve të Turit të Francës, në të cilin morën pjesë 140 çiklistë profesionist dhe 3000 amatorë, që udhëtuan rreth vendit.
Gara 140 kilometra përshkoi vende domethënëse nga lufta e vitit 1992-95. Ishte i vetmi event që shënoi 100-vjetorin e fillimit të Luftës së Parë Botërore dhe që u organizua në bashkëpunim nga Republika Srpska dhe Federata e Bosnjës – dy entitete të vendit që bazohen në etni.
“Falë Zoti takova Roland Gilles,” tha të hënën presidenti i Federatës së Çiklizmit për Bonje-Hercegovinën. “Nuk do të kishte qenë e mundur pa të,” tha ai për Balkan Insight.
Gilles dhe gruaja e tij, që u caktuan si presidentë nderi të klubit, ishin gjithashtu pikë kyçe për të zhvilluar plane të reja për rrugët e çiklizmit në Sarajevë.
Kryebashkiaku Ivo Komsic premtoi se rruga, që do të lidhë Dobrinjën me Qytetin e Vjetër, do të jetë e hapur vitin tjetër.
Sarajeva nuk është e njohur për traditën e çiklizmit, pasi nuk ka në të tashmen ndonjë rrugë të lakmueshme.
Berbic tha se një projekt i ardhshëm do të lidhë rrugët aktuale të përdorura nga të pasionuarit pas çiklizmit në male me Sarajevën juglindore me një korsi formale biçikletash. Rruga do të lidhë qytetin me Trebevicin dhe një rrjet vendesh ish-Olimpike.
