Mbrojtja kritikoi gjykatën për refuzimin si provë të një regjistrimi audio, ku sipas opozitës, kryeministri i Maqedonisë diskuton shitjen e paligjëshme të një banke.
Gjykata gjatë dëgjimit të rastit të kryeministrit Nikola Gruevski, kundër opozitës social-demokrate me në krye Zoran Zaev, refuzoi të pranonte regjistrimin e bisedës telefonike si provë.
Ajo gjithashtu nuk pranoi të pyeste as ish-kolegun e Gruevskit, Den Doncev, një dëshmitar kyç për mbrojtjen, zëri i të cilit dëgjohet dhe në regjistrim, sipas pretendimeve të opozitës.
Opozita pretendon se Donçev ka shërbyer si ndërmjetës në shitjen e e supozuar të paligjshme të bankës Makedonska në vitin 2004, biznesmenit serb Jovica Stefanovic, i njohur gjithashti si Bosi Nini, zëri i të cilit gjithashtu dëgjohet në kasetë.
Megjithatë gjykata të hënën mori në pyetje Stefanovic, i cili ka deklaroi se nuk njeh as Gruevskin dhe as Doncev personalisht.
Avokati mbrojtës i Zaev, Miroslav Vujic tha se ai dyshonte që vendimi është i ndikuar politikisht.
“Pa Doncev… dhe pa regjistrimin audio, Stefanovic është i parëndësishëm për procedurën e gjykimit. Duke patur parasysh se prova kyçe është refuzuar, refuzimi lë një boshllëk, dhe Gjykata do të dijë ekzaktësisht se për ëfarë ta pyesë Stefanovic,” tha Vujic për mediat jashtë dyerve të gjykatës.
Gjatë dëshmisë së tij, Stefanovic ka konfirmuar se kishte blerë aksione në bankën Makedonska rreth dhjetë vjet më parë, por mohoi çdo shkelje, duke thkesuar se shitja ishte kryer në mënyrë të ligjshme nëpërmjet agjensie ndërmjetsimi.
“Unë nuk e njoh paditësin (Gruevskin) apo atë që është paditur ( Zaev). Unë nuk kam takuar apo biseduar në telefon me asnjërin prej tyre. Unë nuk kam dhënë ryshfet apo ta kem diskutuar këtë temë me ndonjerin prej tyre,” tha Stefanovic Gjykatës.
Gruevski ka paditur kreun e opozitës për shpifjen për një shumë prej gjysëm milioni eurosh, pasi Zaev, gjatë fushatës zgjedhore presidenciale në prill, e akuzoi Kryeministrin për përfshirje në shitjen korruptive të bankës.
Zaev prezantoi dokumente të transaksioneve financiare, si dhe dokumenta ligjore nga Banka Qendrore e Maqedonisë, që miratojnë shitjen e aksioneve të Bankës Makedonska, në mbështetje të kërkesës së tij, se Gruevski ka marrë një ryshfet prej 1.5 milionë euro për të përshpejtuar marrëveshjen.
Në korrik, kryeprokurori tha se,” nuk ka bazë ligjore për hapjen e një hetimi për Gruevskin, sepse provat kanë më shumë se dhjetë vjet që janë marrë, ndaj mund të quhen prova të “vjetëruara”, bazuar në Kodin penal të Maqedonisë.
Por Gruevski ndoqi rastin ne gjykatë per shpifje nga Zaev, duke mohuar çdo keqbërje nga ana e tij dhe duke këmbëngulur se dëshmia e supozuar ishte e sajuar nga opozita.
Është vendosur që çështja te rinisë të martën, ku Gruevski dhe Zaev do të japing dëshmitë e tyre të para përpara Gjykatës. Të hënën asnjëri prej tyre nuk u paraqit.
Paraqitja e Gruevskit në Gjykatë nuk është e sigurt, pasi qeveria në një deklaratë për shtyp tha se kryeministri, kishte pësuar lëndime të lehta në këmbë gjatë aktiviteteve sportive dhe i këshillohej që të pushonte.
