Qeveria e Tiranës tha se porti i Shëngjinit që i është premtuar shumë herë Kosovës mund t’i jepet me koncesion një kompanie nën pronësi shtetërore të Kinës.
Ministria shqiptare e Transportit i tha BIRN sot (të martën) se bisedimet për një kontratë koncesionare për përdorimin e portit të Shëngjinit për llogari të një kompanie kineze janë zhvilluar përgjatë muajve të fundit.
“Ata [zyrtarë të qeverisë së Shqipërisë] po flasin aktualisht me një kompani shtetërore kineze mbi dhënien me koncesion të portit të Shëngjinit, por nuk ka ende marrëveshje,” tha zëdhënësi i ministrisë së Transportit të Shqipërisë Genc Caushi.
Porti pritet gjithashtu të diskutohet në një konferencë në Kinë këtë javë, në të cilën do të marrë pjesë edhe kryeministri Edi Rama.
Shëngjini është parë prej kohësh si një mundësi e mirë për Kosovën për të fituar akses në Detin Adriatik.
Më 2009, një vit pasi Kosova shpalli pavarësinë nga Serbia, ish kryeministri i Shqipërisë Sali Berisha tha se Shëngjini do t’i përkasë Kosovës, por asgjë nuk u bë pas kësaj.
Eksperti i ekonomisë në Kosovë Ibrahim Rexhepi tha se ai besonte se Shqipëria po kërkon një partner më serioz për të investuar në port.
Ai tha se premtimi për t’i dhënë portin Kosovës është bërë për “efekt mediatik”.
“Pas kësaj, të dy qeveritë nuk bënë asgjë për të zbatuar idenë,” i tha Rexhepi BIRN.
Rexhepi tha se Kosova nuk ka kapacitetet e nevojshme financiare për të investuar në Shëngjin për shkak se “porti ka nevojë për infrastrukturë tërësisht të re dhe për zgjerimin e zonave ku do të mbërrijnë mallrat nga vendet e tjera”.
Ai vërejti gjithashtu se bashkëpunimi ekonomik mes Shqipërisë dhe Kosovës është në nivel të ulët në përgjithësi.
“Ne nuk kemi bashkëpunim me kapital të përbashkët, apo investime, qofshin publike apo private,” tha ai.
Si u bë puna e portit të Shen gjinit ua dhash sua dhash, athua kinezët do të ua shifni hajrin ,jo. Opinioni kosovar është thellë i zhgënjyer por kështu kur vëllëzerit s’merren vesh i treti fiton:
Flmnd. per komentin Fiqiri. Gazetari i referohet shpalljes se pavaresise se Kosoves ne 2008. Nga 1999 deri ne 2008, Kosova ka qene nen administrimin e misionit te OKB-se, UNMIK.
Kam pershtypjen qe shkrimi reflekton nje analize shume te zbehte te vlefshmerise ekonomike te portit te Shengjinit dhe te kondicionit teknik te tij. Porti i Shengjinit – edhe nese zgjerohet, thellohet si akuatorium, etj, mbetet nje port qe do te sherbehet me kanal, i cili do te duhet te hyje ne det min.2km – max.5km, ne varesi te tonazheve qe do te duhet te perpunohen.
Gjithashtu nje port nuk mbahet vetem mbi arsyetimin e mberritjeve, nese prej tij nuk do te kete anije qe nisen (thirrje dalese). Perndryshe efektiviteti i sherbimeve te transportit humbet teresisht, cmimet e sherbimit per ne kete port behen absurde dhe zgjidhje te tjera marrin fuqi te shtuar prej ketij shkaku. Ne kete pikepamje, zhvillimi i nje zone ekonomike te tregetise se lire, krijimi i korridoreve qe prodhojne trafik dales etj jane elementet qe mund t’i japin Portit te Shengjinit nje rentabilitet tjeter dhe per rrjedhoje edhe kuadrit koncensionar nje vlere tjeter (nese flasim per interes publik).
Komentet patriotike lundrojne keq ne kete cektine informative, i nderuar Besar. Thelloni shkrimin… Me respekt per BIRN dhe ju personalisht.