Kryetari i një partie, Fuad Ramiqi është mes të ndaluarve nga policia e Kosovës sot si pjesë e sulmit kundër islamistëve të vijës së ashpër.
Policia e Kosovës arrestoi të mërkurën Fuad Ramiqi, udhëheqës i Lëvizja Islamike Bashkohu, LISBA, një organizatë islamike e fijes së ashpër që është transformuar së fundmi në parti politike.
Operacioni i policisë po vijon, gjithsesi, media raporton se përveç Ramiqit janë arrestuar edhe disa të tjetër, përfshirë imamë të disa xhamive.
Brahim Sadria, një zëdhënës i policisë, konfirmoi se operacioni është duke u kryer për kërkime dhe arrestime në Prishtinë dhe Mitrovicë.
“Një operacion i Policisë së Kosovës u krye në orët e para të së mërkurës,” tha ai për BIRN.
“Pas disa muajsh hetimesh, në bashkëpunim me Porkurorinë, Policia e Kosovës ka arrestuar persona që dyshohet se kanë kryer vepra penale kundër rendit kushtetues dhe sigurisë së Republikës së Kosovës,” bëri të ditur deklarata e policisë.
“Ky operacion u krye pas vlerësimit të rrezikut dhe rëndësisë për sigurinë kombëtare, rendin kushtetues, sundimin e ligjit,” shtoi ai.
“Gjatë operacionit, policia kontrolloi 16 objekte dhe 15 persona qenë arrestuar.”
Lëvizja Islamike Bashkohu konfirmoi arrestimin e udhëheqësit të vet, Fuad Ramiqi, dhe dënoi arrestimet si “të motivuara politikisht.”
“Policia e [kryeministrit] Hashim Thaçi ka arrestuar imamë të nderuar dhe Fuad Ramiqin,” thuhet në një njoftim për shtyp të LISBA.
“LISBA dënon përndjekjen e muslimanëve të Kosovës dhe ne kërkojmë nga Policia e Kosovës të mos bjerë pre e politikës.”
Misioni i grupimit – sipas publikimeve të saj në faqen e Facebook-ut, përfshin ndërtimin e një xhamie të madhe në Prishtinë, lejimin e grave të mbulojnë fytyrën në shkolla dhe institucione publike si dhe përfshirjen e fesë në kurikullat e shkollave.
Sipas raporteve të medias vendëse, një prej të arrestuarve është hoxha Shefqet Krasniqi, i cili u dërgua në polici për t’u marrë në pyetje dy javë më parë me dyshimin e “nxitjes së urrejtjes dhe intolerancës fetare, racore dhe etnike”.
Më 11 gusht, policia e Kosovës arrestoi 40 të dyshuar si militantë islamikë për të cilët besohet se kanë marrë pjesë në luftimet në Irak dhe Siri.
Një numër muslimanësh shqiptarë nga Ballkani janë bashkuar në konfliktin sektar në Irak dhe Siri.
Qendra Ndërkombëtare për Studimin e Radikalizmit, ISRA, një qendër studimore në Londër, beson se rreth 300 luftëtarë shqiptarë nga Kosova, Maqedonia dhe Shqipëria janë bashkuar me grupimet militante në Siri, përfshirë grupimet Jabhat al-Nusra and dhe Shtetin Islamik. Burimi: Balkaninsight
