Raporti i fundit i Agjencisë Qëndrore të Inteligjencës CIA thotë se disa qindra xhihadistë nga disa vende të Ballkanit i janë bashkuar grupimit ekstremist Shteti Islamik në Lindjen e Mesme.
Bosnja, Kosova dhe Shqipëria janë vendet kryesore të rekrutimit në Ballkan për Islamistët radikalë që kërkojnë luftëtarë për luftërat në Siri dhe Irak. Sa i përket numrave, ata janë pak më të ulëta se sa ato të Jordanisë, Arabisë Saudite e Tunizisë, bëri të ditur Radio Europa e Lirë të martën.
Duke cituar një raport të ri të CIA-s të shtatorit, RFE tha se më shumë se 40 xhihadistë nga Kosova dhe nëntë nga Maqedonia janë vrarë në luftime deri tani.
Rreth 30 vullnetarë nga Mali i Zi po luftojnë për Shtetin Islamik në Irak dhe Siri, gjë që e vendos këtë republikë në listën e vendeve me “një numër të vogël luftëtarësh radikalë”.
Sipas një harte grafike që u publikua në faqen e internetit të RFE, vetëm tri militantë nga Serbia njihen si anëtarë të IISIS. Gjithsesi, media e Serbisë ka raportuar se së paku 350 xhihadistë nga rajoni i Sanxhakut me shumicë myslimane kanë ikur për të luftuar në Lindjen e Mesme.
Më shumë se 350 luftëtarë janë nga Bosnja, 150 nga Kosova, 140 nga Shqipëria dhe rreth 20 vullnetarë janë nga Maqedonia.
Duke iu referuar raportit të CIA-s, por edhe të dhënave nga qeveritë e Francës dhe Britanisë, RFE tha se mes vendeve kryesore si burim luftëtarësh islamikë janë Franca, Britania dhe Jordania me më shumë se 600 luftëtarë secila.
Të martën, ministri i Jashtëm i Serbisë Ivica Dacic tha se Serbia mbështet “aleancën botërore për luftën kundër terrorizmit.” Ai i tha të përditshmes serbe Blic dhe ky bashkim botëror forcash qe i rëndësishëm edhe për rajonin e Ballkanit, “për shkak se ka shumë xhihadistë nga rajoni jonë”.
Qveritë e Bosnjës, Shqipërisë, Maqedonisë dhe Kosovës kanë shpallur vendosmërinë e tyre për të luftuar radikalizmin islamik.
Të hënën një konferencë u zhvillua në Paris për tër hartuar një strategji kundër Shtetit Islamik, me përfaqësues nga 30 vende të cilat kanë rënë dakord për të ofruar “ndihma të përshtatshme ushtarake për Irakun në luftën kundër xhihadistëve.”
CIA ka vlerësuar se ka rreth 20 mijë deri në 31.500 militantë në rradhët e Shtetit Islamik, dy herë më shumë nga sa vlerësohej më parë.
