Në një kërkesë të përbashkët, OJF-të mjedisorë nga Ballkani kanë kërkuar zgjerimin e komponentit mjedisor dhe atë të klimës në Traktatin e Komunitetit të Energjisë si dhe masa të reja që të mundësojnë zbatimin e obligimeve ekzistuese.
“Zbatimi i dobët i rregullave të Komunitetit të Energjisë të përshkruara në Traktat mbetet një nga pengesat për implementimin e tyre,” grupi i OJF-ve tha në një deklaratë.
“Forcimi i zbatimit të rregullave duhet të jetë prioriteti kryesor i reformës, ndërkohë që është e nevojshme që më shumë legjislacion i BE-së të përfshihet në traktat,” shtuan ato.
Nënshkruesit përfshinë një grup prej më shumë se dy duzina OJF nga Ballkani Perëndimor dhe më tej, aktive në fushën e mjedisit.
“Thirrja vjen përpara Këshillit Ministrave të Traktatit të Komunitetit të Energjisë, që do të mblidhet në Kiev.
“Reforma e Traktatit të Komunitetit të Energjisë është një mundësi që vjen njëherë në një dekadë, për të siguruar mbështetje, në mënyrë që vendet fqinje të BE-së të arrijnë standardet e saj në lidhje me klimën dhe energjinë,” tha Garret Tankosic-Kelly, drejtuesi i fondacionit SEE Change Net.
Komuniteti i Energjisë është një organizatë që ka për detyrë të ndihmojë vendet e Ballkanit Perëndimorë dhe të rajonit të Detit të Zi të adaptojnë dhe zbatojnë politikat energjetike të BE-së.
Këshilli Ministrave është organi më i lartë vendimmarrës i Komunitetit të Energjisë, i cili përbëhet nga ministrat e energjisë të vendeve nënshkruese si dhe zyrtarë të Bashkimit Europian.
“Raporti i ri mbi ekonominë dhe klimën tregon që zhvillimi i qëndrueshëm mund të arrihet vetëm nëpërmjet veprimit të përbashkët i vendeve në të gjitha nivelet e të ardhurave, në mënyrë të veçantë në sektorin e energjisë, i cili është burimi më i madh i emetimeve të gazrave serë në Ballkan,” tha draga Mileusnic nga CAN Europe.
Ndryshimet e fundit në strukturën e Komisionit Europian, ku një prioritet i lartë i është dhënë konceptit të unionit të energjisë, nënë zëvendëspresidenten Alenka Bratusek, do shtojnë bashkëpunimin e BE-së me Komunitetin e Energjisë në vitet pasuese.
“Vendet pjesë të Traktatit duhet ti japin po aq rëndësi ligjit Europian të mjedisit sa dhe rregullave për energjinë,” tha Malgorzata Smolak nga Client Earth.
“Vetëm me rregulla më të forta mjedisorë ne mund të krijojmë një treg energjie të drejtë dhe të përbashkët për BE-në dhe Komunitetin e Energjisë,” shtoi ajo.