Vendet e Ballkanit mund të kthehen në një arenë veprimi për militantët islamik në qoftë se nuk integrohen në mënyrë të shpejtë në strukturat Euro-Atlantike, Presidenti Maqedonas Ivanov i tha OKB-së.
Në fjalimin e tij të parë në Këshillin e Sigurimit të OKB-së të enjten, Presidenti Maqedonas Gjorge Ivanov kërkoi integrim më të shpejtë të rajonit në BE dhe NATO, duke paralajmëruar që ‘vakumi’ rrezikon të mbushet nga radikalët islamikë.
“Herët apo vonë një vakum ka tendencën që të mbushet. Bashkimi Europian nuk duhet ta harrojë që Ballkani është pjesë e Europës,” tha ai.
Me shtyrjen e integrimit të vendeve të rajonit, Europa po ‘krijon një problem në territorin e saj,” Ivanov shtoi.
“Nuk ka më kohë apo justifikime për të bllokuar integrimin dhe iniciativat Europiane dhe Euro-Atlantike. Rajoni jonë është i pambrojtur,” Ivanov vazhdoi, duke nënvizuar rrezikun e formimit të një ‘Kalifati Ballkanik.”
Ivanov përmendi bllokadën e Greqisë ndaj shpresave të Maqedonisë për integrim në NATO dhe BE si një çështje që duhet të tejkalohet.
Greqia pengoi anëtarësimin e Maqedonisë në NATO në 2008 dhe aktualisht pengon tentativat e saj për tu bashkuar me BE-në, për arsyet të një konflikti mbi emrin e Maqedonisë, te cilin Greqia e refuzon.
Kjo ndodh përtej faktit që Maqedonia mori statusin e vendit kandidat në 2005 dhe megjithëse raportet e Komisionit Europian kanë rekomanduar hapjen e negociatave për anëtarësim që nga 2009.
Në seancën e jashtëzakonshëm te Këshillit të Sigurimit, dedikuar rrezikut të radikalizmit islamik të drejtuar nga Presidenti Amerikan Barack Obama, lideri Amerikan vuri në dukje që krerët e 50 delegacioneve që ishin zgjedhur për folur në seancë vinin nga vende të prekura drejtpërdrejtë ose në mënyre të tërthortë nga i ashtuquajturi Shteti Islamik.
Në mënyrë unanime Këshilli i Sigurimit adaptojë një rezolutë që e bën ta paligjshme anëtarësimin në një organizatë të tillë.
Maqedonia është njëra prej disa vendeve të cilat kanë ndryshuar ligjet për të futur dënime për qytetarët që kapen duke ju bashkuar ose mbështetur organizatave paramilitare të huaja.
Sipas raportimeve në media të paktën 11 shqiptarë nga Maqedonia janë vrarë duke luftuar në Siri ose Irak, pasi i janë bashkuar grupeve militante islamike atje.
