Foto: Beta
Rreth 100,000 qytetarë dhe e gjithë kryesia politike kroate mori pjesë në përkujtimet e këtij viti për rënien e qytetit lindor të Vukovarit në vitin 1991 ndaj Ushtrisë Jugosllave.
Rreth 100,000 persona morën pjesë në ceremoninë tradicionale përkujtimore të rënies së qytetit lindor kroat në vitin 1991, në marshimin prej pesë kilometrash nga spitali i qytetit – ku u çuan dhe u vranë 200 të burgosur kroatë – për te varreza përkujtimore, ku janë varrosur të gjithë ata që vdiqën deri më tani.
Vukovari u rrethua nga ushtria jugosllave dhe paraushtarakët serbë nga gushti në nëntor 1991, kur u dorëzuan mbrojtësit e fundit.
Qyteti pothuajse u rrafshua nga rrethimi dhe pasojat qenë masive. Pasi ra, të gjithë qytetarët joserbë u dëbuan. Për më tepër, serbët morën 200 ose më shumë personat e plagosur në spital dhe i çuan në një fermë aty pranë ku dhe i vranë.
Kryesia politike e Kroacisë mori pjesë në ceremoni, e kryesuar nga presidenti Ivo Josipovic dhe nga kryeministri Zoran Milanovic.
Vitin e shkuar, një grup i veteranëve të luftës së Vukovarit, i quajtur Shtabi Qendror i Mbrojtjes Kroate të Vukovarit, nuk lejoi pjesëmarrjen e dy politikanëve të qendrës së majtë në marshimin përkujtues.
Ata ishin të zemëruar nga planet e qeverisë për prezantimin e shenjave dygjuhësore të cirilikut serb në qytet në janar 2013. Anëtarët e grupeve të veteranëve dëmtuan një numër shenjash duke u përplasur kështu me policinë në shtator 2013.
Ata më vonë krijuan një referendum për këtë çështje, ku mblodhën 500,000 firma. Megjithatë, thirrja për referendum u refuzua nga gjykata kushtetuese në gusht.
Foto: Beta
Nuk kishte bllokada të tilla këtë vit, ndonëse disa veteranë lufte e nisën marshimin më herët që të shmangnin kontaktin me politikanët.
Kryebashkiaku i Vukovarit, Ivan Penava, tha se marshimi nuk ishte vendi i duhur për diskutime politike. “Të gjithë duhet të vijnë dhe të përcjellin respektin për ata që u vranë dhe për heronjtë e mbijetuar,” tha ai.
“Bashkimi dhe respekti për të gjithë viktimat duhet të jetë mesazhi i përçuar nga Vukovari. Çdo gjë tjetër është e politizim, të përdorësh Vukovarin për qëllime të tjera,” shtoi Penava.0
Kreu i Unionit Demokratik Kroat të qendrës së djathtë të Kroacisë, Tomislav, tha gjithashtu se dita duhej të ishte e shenjtë për të rënët.
Kjo nuk është ditë për biseda të kota politike, për ata që duan ta përdorin për fushatat e tyre elektorale, tha ai.
“Është e rëndësishme që ne të gjithë të mblidhemi për të treguar respektin tonë dhe zotimin ndaj atyre që dhanë jetët e tyre,” shtoi Karamarko.
Kandidatja presidenciale e HDZ, Kolinda Grabar Kitarovic, që ishte gjithashtu e pranishme në varganin e marshuesve, la një koment në Facebook, ku e quajti Vukovarin një plagë në zemër të Kroacisë e cila nuk do të shërohet kurrë”.
Pas një lutje të shkurtër te varrezat, Josipovic la një kurorë në memorialin qendror në emër të shtetit. Më pas, delegacioni i shtetit u largua nga varrezat.
Josipovic citoi se ai u ndie krenar atje sepse Kroacia “respektonte dinjitetin e Vukovarit dhe të gjithë atyre që vdiqën.”
Ndonëse pati përpjekje për të bllokuar pjesëmarrjen e politikanëve në marshim, ata nuk ia dolën. Kroacia që respekton Vukovarin ka fituar,” përfundoi Josipovic.
Më pas delegacioni i shtetit shkoi në Ovcara, pak kilometra larg Vukovarit, ku forcat serbe qëlluan mbi 200 ushtarë të zënë rob dhe civilë.
