Pas kritikave të mëdha nga Kroacia, Gjykata e Hagës më në fund bëri publike kushtet për lirimin e përkohshëm të të pandehurit ultra nacionalistit serb për krime lufte, Vojisllav Sheshel.
Gjykata Ndërkombëtare e Krimeve për Ish-Jugosllavinë ditën e martë publikoi kushtet për lirimin e përkohshëm dy javë më parë të Sheshelit, i cili shkaktoi zemërim në Kroaci duke bërë një sërë deklaratash nacionaliste pasi u kthye në Serbi për t’u kuruar nga kanceri.
Gjykata e mbështetur nga Kombet e Bashkuara tha se e ka urdhëruar Sheshelin t’i dorëzonte pasaportën e tij autoriteteve serbe sapo të arrinte në Beograd, dhe e ka urdhëruar Serbinë “të mos i japë pasaportë të re të akuzuarit dhe të mos e lejojë atë të udhëtojë pa lejen e gjykatës.”
Kushtet, të cilat deri më tani ishin konfidenciale, gjithashtu urdhëronin Sheshelin “të mos ketë asnjë kontakt të asnjë lloji me viktimat, dëshmitarët apo të përpiqet të ndikojë tek ata në ndonjë farë mënyre, si edhe të mos pengojë në ndonjë lloj mënyre drejtësinë”.
Shesheli, lideri i Partisë Radikale Serbe, duhet gjithashtu të kthehet në Gjykatën e Hagës kur t’i urdhërohet kjo gjë.
Shesheli po ndiqej penalisht për krime lufte në Kroaci, Serbi dhe Bosnje në një gjyq maratonë, i cili deri tani ka zgjatur 11 vjet.
Që prej kthimit të tij, ai ka organizuar gjithashtu një protestë në Beograd, e cila tërhoqi rreth 3000 vetë.
Por kryeministri serb Aleksandër Vuçiç tha të martën se nuk duhet fajësuar Beogradi për veprimin e Sheshelit.
“Ishte Gjykata e Hagës ajo që vendosi për lirimin e Sheshelit. Askush nuk na pyeti apo u konsultua me ne për ndonjë gjë. Ne kemi përmbushur gjithçka që ata kanë kërkuar dhe tani po kritikohemi për vendimet e tyre,” tha Vuçiç.
Një anëtar kroat i Parlamentit Evropian javën e kaluar ndërmori një rezolutë duke e dënuar lirimin e Sheshelit. Anëtarët e Parlamentit Evropian do ta votojnë këtë rezolutë ditën e martë.
Parlamenti kroat gjithashtu ka miratuar një deklaratë që e dënon këtë lirim, e cila do të ratifikohet nga ligjvënësit të mërkurën.
Ish kryeministri kroat dhe deputeti i pavarur Jadranka Kosor, i cili ishte ai që e ndërmori këtë nismë, i kërkoi Gjykatës së Hagës ta kthente anulojë vendimin për lirimin e Sheshelit.
“Ai përhap urrejtje, tremb dhe poshtëron dëshmitarët. Ai qesh në Gjykatën e Hagës dhe shpresoj që Parlamenti kroat ta aprovojë në mënyrë unanime deklaratën,” tha Kosori të martën.
Shesheli shkaktoi zemërim kur dërgoi një deklaratë për shtyp në median kroate, ditën që kroatët përkujtojnë çlirimin e qytetit të Vukovarit nga forcat Serbe në vitin 1991. Ata e quajnë atë “Dita e çlirimit të Vukovarit”.
Në protestën e tij më 15 nëntor ai i shpreh gjithashtu se ai “e mposhti Gjykatën e Hagës” duke u liruar nga burgu.
Presidenti kroat Ivo Josipovic i është ankuar drejtpërdrejtë Gjykatës së Hagës për lirimin e Sheshelit, duke e përshkuar këtë si një pengesë për drejtësinë ndërkombëtare.
Por presidenti i Gjykatës Ndërkombëtare për Krimet e luftës, Theodor Meron, e ka mbrojtur lirimin e përkohshëm dhe ka argumentuar se politikanët vendas duhet të jenë përgjegjës për pajtimin.
“Gjithmonë kam menduar se liderët politikë, fetar dhe liderë të tjerë vendas brenda shoqërive të tyre duhet të jenë ata që e përshpejtojnë procesin e pajtimit,” u shpreh Meroni në një letër dërguar Josipovicit.
