Ish kryetari serb i komunës Zubin Potok, Slavisa Ristiç, u mor në pyetje nga prokurorët e EULEX-it për vrasjen e një oficeri policie në vitin 2011.
Ditën e hënë Ristiç u mor në pyetje nga prokurorë të EULEX-it në Gjykatën e Shkallës së Parë në Mitrovicë për dyshimin se është përfshirë në një sulm në korrik të vitit 2011 në Zubin Patok, në të cilën u vra një anëtar i njësisë speciale të policisë së Kosovës.
“Ristiç u paraqitë vullnetarisht para prokurorëve,” u shpreh për BIRN zëdhënësja e EULEX-it Dragana Nikoloc-Solomon.
Ish-kryetari së fundmi është zgjedhur si zv/president i Partisë Demokratike të Serbisë, e cila më parë drejtohej nga Vojislav Kostunica.
Polici Enver Zymberi u vra më 26 korrik të vitit 2011, një ditë pasi qeveria e Kosovës vendosi sanksione për tregtinë e produkteve të prodhuara në Serbi.
Tensionet midis Kosovës dhe Serbisë ishin rritur shumë në korrik të vitit 2011, kur policia e Kosovës u përpoq të merrte nën kontroll dy pikat kufitare në veri të Kosovës në Jarinjë dhe Bërnjak. Vendimi shkaktoi zemërim në komunitetin vendas.
Në korrik të këtij viti, policia e Kosovës u përpoq ta thërriste në gjyq Ristiçin dhe kryetarin aktual të Zubin Patokut, Stevan Vuloviç, por ata nuk ishin në shtëpitë e tyre.
Vuliviçi kërkohet sepse mendohet se ka ndihmuar në arratisjen e Sllobodan Sovrliçit nga rajoni i policisë në Zubin Potok
Sovrliçi akuzohet se ka sulmuar personelin e EULEX-it dhe ka vënë në rrezik personelin e OKB-së. Ai u arrestua në mars të vitit 2014, por një ditë më vonë, një turmë prej më shumë se 100 serbësh e nxorën atë me dhunë nga rajoni i policisë.
Pasi u arrestua përsëri, tani ai po gjykohet së bashku me shtatë persona të tjerë.
