Hidhet poshtë kërkesa e ish-komandanti paraushtarak serb Dragan Vasiljkovic për të ndaluar ekstradimin e tij nga Australia në Kroaci, ku ai kërkohet për dyshime për krime lufte.
Gjykata Federale Australiane ditën e premte hodhi poshtë apelin kundër ekstradimit të Vasiljkovic, i njohur si ‘Kapiteni Dragan’, i cili përballet me akuza në Kroaci për rolin e tij si shef paraushtarak në luftën e viteve 1991-1995.
Një zëdhënëse për Departamentin e Prokurorit të Përgjithshëm tha se “Zoti Vasiljkovic ka pasur korretësinë e duhur në procedurat penale” kur u mor vendimi për ta dorëzuar atë në Kroaci, raportoi media australiane.
“Zoti Vasiljkovic kërkohet nga autoritetet kroate për tri vepra penale për krime lufte dhe ai mbetet ende në paraburgim në Australi,” shtoi ajo.
Vasiljkovic, një shtetas australian i cili aktualisht është 59 vjeç, u arrestua në Kroaci në vitin 2006. Që atëherë, ai ka kundërshtuar ekstradimin e tij me pretendimin se në Kroaci s’do t’i bëhet gjyq i drejtë.
Avokati i tij Dan Mori tha se ai ishte i shqetësuar se klientit të tij “nuk do t’i afrohen mbrojtjet nga Konventa e Gjenevës, nëse kthehet në Kroaci”. Ai tha se Vasiljkovic ndoshta do të apelojë përsëri kundër ekstradimit.
Vasiljkovic lindi në ish-Jugosllavi, por familja e tij u shpërngul nga vendi kur ai ishte 14 vjeç dhe u transferuan në Australi, ku ai e ndryshoi emrin në Daniel Snedden.
Kur ishte i ri, ai është akuzuar për krime të ndryshme, duke filluar nga plaçkitja deri te detyrimi i grave për të prostituuar. Më vonë ai iu bashkëngjit ushtrisë dhe karriera e tij si instruktor ushtarak e çoi atë në Afrikë dhe Amerikën Latine.
Ai riktheu emrin e tij të vjetër, Dragan Vasiljkovic, në fund të viteve 1980, kur u kthye pas rënies së Jugosllavisë me qëllim që të ngritjen një biznesi.
E kaluara e tij e bëri me fame në qarqet nacionaliste dhe u rekrutua nga ministria e punëve të brendshme të Serbisë për të shkuar në Kroaci si instruktor ushtarak në Golubici, afër Kninit, epiqendra e kryengritjes nacionaliste serbe në Kroaci.
Kapiten Dragani, siç quhet tani, kishte formuar njësinë e njohur “Knindze” – togfjalëshin e formuar nga ‘Knin’ dhe ‘ninxha’.
Aktakuzat në Gjykatën e Hagës e kanë lidhur njësinë e tij direkt me qeverinë e Slobodan Millosheviçit në Beograd, duke pretenduar se ata financoheshin nga buxheti shtetëror i Serbisë.
Vasiljkovic udhëzoi edhe zotin famëkeq serb të luftës, Zeljko Raznjatovic ‘Arkan’ dhe ndër të tjerë edhe anëtarët e njësisë së tij paraushtarake Tigrat.
Ai dëshmoi si dëshmitar në vitin 2003 në gjyqin e Millosheviçit në Hagë, kur mohoi të ketë pasur ndonjë lidhje me Beogradin. Gjykata e Hagës në vitin 2007 e quajti atë pjesëmarrës në krimet kundër kroatëve dhe jo-serbëve të tjerë në rastin e Milan Martic, një ish lider serb i Kroacisë, por nuk kërkoi arrestimin e tij.
Aktet heroike të Kapiten Draganit e bënë atë një hero popullor në Serbi gjatë luftërave të viteve 1990 në Kroaci dhe Bosnje. Ai madje kishte edhe programin e tij televiziv dhe një revistë komike me vizatime për të dhe njësinë “Knindze”.
Autoritetet kroate nxorën një urdhër për arrestimin e tij në vitin 2004, duke e lidhur atë me krimet e luftës në vitet 1992 dhe 1993 në zonën Knin Benkovac të Dalmacisë.
