Partnerët e koalicionit të Serbisë po zhvillojnë një seancë urgjente për të diskutuar marrëveshjen e tyre, pasi Progresistët u ankuan se socialistët nuk po i mbështesnin ata në mbrojtje të tenderit që nxiti një investigim nga ana e BIRN.
Një burim i BIRN në qeverinë serbe ka zbuluar se ministrat po zhvillojnë bisedime urgjente në lidhje me të ardhmen e koalicionit të tyre.
Seancat po zhvillohet pasi Partia Progresive tha se nuk ka marrë mbështetje të mjaftueshme nga partnerët e saj të Partisë Socialiste, të udhëhequr nga zv/kryeministri dhe Ministri i Jashtëm Ivica Daçiç.
Ministri i Brendshëm Nebojsa Stefanovic tha se ai e kishte paralajmëruar kryeministrin Vuçiç se do t’i mungonte mbështetja nga socialistët, edhe pse partia e tyre zhvilloi tenderin që u kthye në burim debati.
“E kam paralajmëruar Vuçiçin se ai s’do të ketë mbështetjen e partnerëve të tij të koalicionit. Është e qartë se asnjë nga socialistët nuk dëshiron të mbrojë qëndrimin e qeverisë,” tha Stefanovic për televizionin publik RTS ditën e hënë.
Investigimi i BIRN-it në lidhje me kompani publike si Elektroprivreda Srbije, EPS, i dha një kontratë për rinovimin e minierës Tamnava një konsorciumi që nuk kishte eksperiencë në punë të tilla, duke rritur në mënyrë domethënëse kostot, shkaktoi një reagim të zemëruar ana e Vuçiç. Kryeministri i denoncoi gazetarët e BIRN si “gënjeshtarë”.
Miniera Tamnava u përmbyt në muajin maj dhe konsorciumi i udhëhequr nga kompania Energotehnika – Juzna Backa u punësua për të nxjerrë ujin nga gropa.
Hetimi i BIRN zbuloi se konsorciumi Juzna Backa ishte i lidhur me Nikola Petrovic, drejtori i një tjetër kompanie publike, Elektromreze Srbije, dhe se është bashkëpunëtor i ngushtë i kryeministrit.
Vuçiç gjithashtu u shpreh se BIRN po financohej nga Brukseli për të përhapur gënjeshtra për të destabilizuar administratën e tij, gjë e cila u mohua nga Maja Kocijancic, zëdhënëse për Komisionin Evropian për politikën e fqinjësisë dhe zgjerimin e negociatave.
