Prokurorët në Gjykatën Ndërkombëtare për krime lufte i kërkuan përsëri liderit nacionalist serb Vojisllav Sheshel, i cili u lirua për t’u kuruar nga kanceri, të rikthehet në burg.
Prokuroria në Gjykatën e Hagës të mërkurën paraqiti një mocion të dytë duke i bërë thirrje udhëheqësit të Partisë Radikale Serbe, Sheshel, i cili po gjykohet për krime lufte në Bosnje, Kroaci dhe Serbi, të rikthehet përsëri në paraburgim në Hollandë.
Kryeprokurori Serge Brammertz përsëriti pretendimin e tij të mocionit të parë që Shesheli ka “shkatërruar” natyrën e lirimit të tij të përkohshëm për arsye humanitare.
Brammertz vuri në dukje se Shesheli ka thënë kategorikisht se ai nuk do të kthehet në Gjykatën e Hagës për vendimin në gjyqin e tij dhe hidhi pretendimin se politikani nacionalist “ka kërcënuar njerëz që bashkëpunojnë me prokurorinë”.
Pasi kthimit në Beograd në nëntor të vitit të kaluar dhe pas mikpritjes të ngazëllyer nga admiruesit e tij nacionalistë, Shesheli ka deklaruar se ai nuk do të pranojë të kthehet në gjykatën e krimeve të luftës dhe se do të organizojë protesta kundër çdo përpjekjeje për ta kthyer atë përsëri atje.
Që atëherë, ai ka udhëhequr protestat nacionaliste dhe ka bërë një serë deklaratash të ashpra që kanë zemëruar viktimat e luftës.
“Ai e ka treguar qartë se gjendja e tij shëndetësore nuk e pengon të bëjë deklarata publike të papranueshme që janë nxitëse dhe fyese për komunitetet e viktimave. Ai e ka bërë gjithashtu deklarata publike që vënë në dyshim vlerësimin e Dhomës Gjyqësore për ekstremitetin e gjendjes së tij shëndetësore ,” tha Brammertz.
Bramertz tha se kushtet e urdhëruara për lirimin e përkohshëm Sheshelit – dorëzimi i pasaportës së tij tek autoritetet serbe, mos pasja kontakte me dëshmitarë apo viktima si edhe kthimi në Hagë kur t’i urdhërohej – ishin “me sa duket të papërshtatshme”.
Gjykata më herët këtë muaj refuzoi kërkesën e parë të prokurorisë që Shesheli të kthehej në paraburgim, duke thënë se deri tani ai nuk kishte shkelur kushtet e lirimit të tij.
The court earlier this month rejected the prosecution’s first appeal for Seselj to be returned to custody, saying that he had not so far breached the terms of his release.
Shesheli ka qenë në paraburgim që prej vitit 2003, kur ai u dorëzua vullnetarisht.
Vendimi për çështjen e tij ishte programuar të merrej në tetor të vitit të kaluar, po u shty pasi një nga gjykatësit u hoq nga çështja se dyshohej për njëanshmëri.
