Një gjykatë finlandeze të hënën shpalli fajtorë dy menaxherë të kompanisë finlandeze të armëve Patria për ofrim të 1.6 milionë euro ryshfet te zyrtarët kroatë për të mbyllur një shitje, duke përmendur edhe një ish-president kroat si një prej marrësve.
Një gjykatë në Hameenlinna, Finlandë, të hënën gjobiti dhe liroi me kusht dy zyrtarë të kompanisë shtetërore të armëve Patria për dhënie ryshfeti zyrtarëve kroatë gjatë një shitje të automobilave të armatosur në 2007.
Heikki Hulkkonen dhe ish përfaqësuesi i Patria-s në Kroaci, Reijo Niittynen, morën 20 muaj lirim me kusht dhe u gjobitën secili me 297,000 euro për ofrim të një ryshfeti prej 1.6 milionë euro.
Gjykata u shpreh se dënimet me kusht reflektonin gjatësinë e gjyqin dhe faktin se të akuzuarit nuk kishin histori të mëparshme kriminale.
Vendimi është i shkallës së parë dhe mund të ankimohet.
Gjykatësi tha se ish-presidenti kroat, Stjepan Mesic dhe ish-drejtori i kompanisë shtetërore kroate të armëve dhe automjetëve, Djuro Djakovic, Bartol Jerkovic, morën ryshfetin në 2007.
Paratë u ofruan për të siguruar që Djuro Djakovic të blinte automjetet e armatosura nga Partia, me vlerë 112 milionë euro.
Prokurori finlandez Jukka Rappe deklaroi se’në dosjen e rastit finlandez kishte shumë dokumente dhe të dhëna që ishin ofruar nga autoritetet kroate dhe i përkiste atyre të vendosnin se çfarë do të bënin në Kroaci me to”.
Skandali, me emrin e koduar “Skandali Patria”, u bë publik në 2008 falë punës së një gazetari investigativ finlandez, Magus Berglund dhe kolegut të tij slloven, Blaz Zgaga.
Ata thanë se zyrtarët sllovenë të drejtuar nga Janez Jansa kryeministër nga 2004 në 2008 dhe nga 2012 në 2013, morën një ryshfet prej Patrias përpara se Sllovenia të bënte një marrëveshje me vlerë 238 milionë euro.
Një gazetar investigativ kroat, Sasa Lekovic, që bashkëpunoi me Zgagan në zbulim e skandalit në Kroaci, tha se prokurori finlandez kishte përmendur gjithashtu Franjo Greuric, kryeministër i Kroacisë nga 1991 në 1992, si një prej atyre që mori ryshfet.
“Çdo procedim kundër qytetarëve kroatë në këtë çështje mund të hetohet vetëm në Kroaci,” tha Lekovic duke shtuar se Kroacia mund të kishte filluar hetimet përpara gjykimit në gjykatat finlandeze.
Lekovic specifikoi se në çështjen, pavarësisht se menaxherët finlandezë u liruan nga gjykatat finlandeze, një gjykatë më e lartë sllovene e dënoi Jansan me 2 vite burg në prill 2014.
Mesic të martën këmbënguli se ai nuk ishte në dije të menaxherëve të akuzuar, duke shtuar se nuk ishte në juridiksionin e tij të negociojë marrëveshje armësh, duke ia vënë gishtin ministrisë së brendshme kroate.
“Nuk ka asnjë arsye përse të akuzohem për ndonjë gjë,” deklaroi Mesic duke shtuar se disa njerëz në Kroacia po përpiqen ‘ta kufizojnë’.
Djuro Djakovic të martën lëshoi një deklaratë ku thoshte se kompania nuk ishte në asnjë mënyrë e lidhur me zbulimet e gjykimit të shkallës së parë.
Kompania theksoi se gjykimi thotë se i akuzuari i premtoi një ryshfet Jerkovic, por nuk ka prova që ky ta ketë marrë ryshfetin.
Transparency International, OJQ-ja ndërkombëtare që monitoron korrupsionin dhe transparencën në financat publike, ndërkohë i bëri thirrje prokurorisë së shtetit dhe policisë në Kroaci të hetojnë nëse u morën apo jo ryshfetet në vend.
