Monica Iacob-Ridzi është burgosur me pesë vjet – ish-ministrja e dhjetë rumune e dënuar për korrupsion.
Gjykata e Lartë rumune e Kastacionit dhe Drejtësisë burgosi të hënën ish-ministren e sporteve Monica Iacob-Ridzi me pesë vite burg për abuzim me detyrën dhe korrupsion. Vendimi është përfundimtar.
Iacob-Ridzi, që ishte ministre nga dhjetori 2008 në korrik 2009 në qeverinë e qendrës së djathtë, u shpall fajtore për dhënien e kontratave të mbivlerësuara te firmat private, duke i kushtuar qeverisë 540,000 euro në 2009. Ajo gjithashtu u përpoq të fshinte provat e veprimeve të saj nga kompjuteri, tha prokuroria.
Ioana Varsta, një këshilltareve të Ridzit u dënua gjithashtu me pesë vite burg.
Iacob-Ridzi është ish-ministrja e dhjetë rumune që merr një vendim përfundimtar për korrupsion.
Mes të tjerëve janë ish-ministrat e ekonomisë, bujqësisë, mbrojtjes, transportit, komunikimeve, si dhe ish-kryeministri Adrian Nastase.
Rumania konsiderohet ende një nga shtetet më të korruptuara në Bashkimin Europian, të cilit iu bashkëngjit në 2007.
Megjithatë, nën presion nga BE-ja, gjykata kanë shtuar luftën kundër korrupsionit në vitet e shkuara. Numri i të dënuarve për ryshfet të nivelit të lartë u rrit nga 155 në 2006 në mbi 1,000 në 2013, sipas të dhënave zyrtare.
