Zyrtarët në Prishtinë thanë se janë planifikuar kërkime në dy vende të tjera pranë qytetit serb të Rashkës pasi eshtrat e 52 shqiptarëve të Kosovës, viktima të luftës, u zhvarrosën atje vitin e kaluar.
Kushtrim Gara, një anëtar i komisionit qeveritar të Kosovës për personat e zhdukur, tha për BIRN se kërkimet për trupat e shqiptarëve të vrarë nga forcat serbe gjatë luftës së fundit të viteve 1990 lufta do të kryhen në dy vendndodhje të reja.
Gara tha se kërkimet do të kryhen në një pellg ku janë hedhur mbetje minerare dhe në një liqen pranë vendit ku vitin e kaluar u zbuluan trupa të tjerë në guroren e Rudnicës afër Rashkës.
Ai tha se komisionet të personave të zhdukur të Kosovës dhe Serbisë së shpejti do të takohen dhe të diskutojnë këtë çështje.
“Fillimisht, duhet të vlerësojmë vendet nga ana serbe. Duhen kryer gërmime fillestare për të parë se çfarë ka brenda,” shpjegoi ai.
Mbetjet e 52 trupave të zhvarrosur vitin e kaluar u identifikuan si shqiptarë etnikë të vrarë nga forcat e Beogradit gjatë luftës së fundit të viteve 1990 dhe viktimat ishin kryesisht nga fshatrat e Rrezalles dhe Cikatove e Vjetër në komunën e Skenderajt. Të gjithë u riatdhesuan në Kosovë.
Departamenti i Mjekësisë Ligjore në Ministrinë e Drejtësisë së Kosovës, si edhe Misioni i Bashkimit Evropian në Kosovë, EULEX-i vitin e kaluar kryen zhvarrosje në Rudnicë. Por EULEX-i refuzoi të komentonte mbi mundësinë e kërkimeve në vende të reja.
Arsim Gerxhaliu, kreu i Departamentit të Mjekësisë Ligjore, tha se ekipi i Kosovës ishte në Serbi para dhjetë ditësh dhe vizitoi dy vende të ndryshme, por nuk pranoi të tregonte emrat e tyre.
Komisioni serb për personat e zhdukur tha ndërkohë se ai po kontrollonte të gjitha informacionet nga homologu i tij në Kosovë në lidhje me vendndodhjen e mundshme të varreve masive, por nuk do të konfirmojë se dyshonin që ishin pranë Rashkës.
Prokuroria serbe ka thënë se po heton rrethanat që çuan në largimin e trupave nga Kosova dhe varrosjen e tyre në Rudnicë, në bashkëpunim me EULEX-in. Ajo tha se janë marrë në pyetje disa dëshmitarë, por nuk pranoi të zbulojë nëse është identifikuar ende ndonjë i dyshuar.
Qendra për të Drejtën Humanitare me bazë në Beograd ka akuzuar kreun aktual të ushtrisë serbe, Ljubisa Dikovic, si përgjegjës për largimin e trupave, gjatë kohës që ishte komandant i Brigadës së 37-të të Ushtrisë Jugosllave në vitin 1999. Por Dikovic ka mohuar vendosmërisht çdo përfshirje.
Gara ndërkohë tha se komisioni i personave të zhdukur i Prishtinës do të kontrolonte edhe 20 vende brenda në Kosovë këtë vit, pasi kishte marrë informacione për varre të dyshuara masive.
Në vitin 2014 në Kosovë janë identifikuar një total prej 69 personazh të zhdukur. Rreth 1,653 persona mbeten ende të pagjetur.