Kryeqyteti i Shqipërisë pritet të jetë dyditëshe e takimit të ministrave të Punëve të Jashtme të vendeve të Evropës Juglindore.
Ky organizim bëhet në kuadër të Presidencës Shqiptare të Procesit të Bashkëpunimit të Vendeve të Evropës Juglindore (SEECP), por Serbia nuk do të marrë pjesë për shkak të përfaqësimit të Kosovës.
Kosova në këtë konferencë, që është më e rëndësishmja në rajon, do të përfaqësohet nga Zëvendëskryeministri i parë dhe Ministri i Punëve të Jashtme, Hashim Thaçi, bën të ditur Ministria e Punëve të Jashtme e Kosovës.
Pjesëmarrjen e ka konfirmuar Malit i Zi, Maqedonia, Turqia, Greqia dhe Moldavia.
Konferencës së SEECP-së, që kryesohet nga Ministri i Jashtëm i Shqipërisë, Ditmir Bushati, do t’i drejtohet me një fjalim edhe kryeministri i Shqipërisë, Edi Rama.
Ndërkaq, në takimin e nesërm, ku ministrat e disa prej shteteve të Evropës Juglindore do të diskutojnë rreth fuqizimit të bashkëpunimit ndërshtetëror, pjesëmarrës do të jenë edhe zyrtarë të lartë të BE-së, përfaqësues të Presidencës Letoneze të BE-së dhe të Këshillit të Bashkëpunimit Rajonal (RCC).
Në maj të vitit 2013, ky takim i paraparë për t’u mbajtur në Ohër u vu në pikëpyejte pasi Maqedonia nuk e kishte ftuar Kosovën.
Për shkak të kësaj, presidenti kroat Ivo Josipoviq kishte paralajmëruar mospjesëmarrje, ndërsa takimi qe mbajtur dy ditë më vonë pasi Kosova e Serbia ishin pajtuar të marrin pjesë në të.
